September Ena Hesiai Hebou

September 2 Purana

Ane 98

10 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi.

15 min:  “Abidadama Dekena amo Ita Raka.” Henanadai bona haere.

20 min: “Mai Laloa Maoro ida Sivarai Namona Harorolaia.” Hamatamaia hereva kwadogina lalonai paragraf 1 bona 2 oi herevalaia. Oi hahedinaraia bema Mauri Hanaihanai bukana be lasi, Ruma Bese bukana idia hariharilaia diba. Bena paragraf 3-6 sibona oi herevalaia. Haheitalai namona oi hegaegaelaia, idia hahedinaraia edena bamona Mauri Hanaihanai bukana ita hariharilaia ruma-ta-ruma-ta gaukarana lalonai bona varavara ita vadivadi henidia neganai. Haheitalai ma ta amo oi hahedinaraia danu edena bamona lou-henia ita karaia, bona Diba bukana amo Baibel stadi ita hamatamaia.

Ane 48 bona guriguri.

September 9 Purana

Ane 18

12 min: Kongregesen ena hadibaia herevadia. Akauns ripotina. “Basileia Harorolaia” herevalaia.

18 min: Kongregesen ena Lagani 1996 Ena Haroro Ripoti gwauraia lou. Haroro naria tauna ese unai hereva do ia henia mai ena goada ida. (Hesiai Gaukara bukana rau 101-2 itaia.) Hahedinaraia edena kahana dekenai kongregesen ia gaukara goadagoada, bona idia oi hanamoa. Regula bona heduru painia taudia edia gaukara ese kongregesen ia durua oi gwauraia hedinarai. Hebouhebou dekenai idia mai taunimanima edia namba gwauraia, bona oi hagoadaia hebouhebou dekenai do idia mai hanaihanai. Maka haida gwauraia hedinarai bena kongregesen ibounai be unai maka hagugurua totona do idia gaukara ia mai laganina lalonai.

15 min: “Mai Laloa Maoro ida Sivarai Namona Harorolaia.” Paragraf 7-9 sibona riviulaia, bona sitoa ta sitoa ta dekenai haroro gaukara bona lou henia karana oi haheitalaia. Ibounai oi hagoadaia namona be lou henia idia karaia totona idia giroa haraga.

Ane 123 bona guriguri.

September 16 Purana

Ane 10

15 min: Kongregesen ena hadibaia herevadia. “Harihari Gauna Ita Henia Diba, Ani?” herevalaia. Buka ta be harihari gauna bamona gaukara turana eiava gaukara biaguna dekenai henia karana ena haheitalai kwadogina karaia.

15 min: “Hereva Namona Bona Kara Namona Haheitalaia.” Henanadai bona haere.

15 min: Keristani Karadia Sikuli Lalonai. Tamana ta be ena natuna mero eiava kekeni dekenai sikuli lalonai idia davaria hekwakwanai idia kikilaia; ia hamaoroa ena hebamo do ia naria namonamo bona dika idia havaraia karadia amo ia gini siri. Ia ese Education buklet (eiava Sikuli bona Iehova Ena Witness Taudia buklet rau 8-11) ena rau 24 dekenai ia noho mauana do ia riviulaia bona ia hahedinaraia namona be ia ese haheitalai namona ia hahedinaraia Witness natuna bamona. Tamana ese sikuli lalonai idia vara hedibagani haida ia gwauraia, hegeregere drag gaukaralaia karana, memero kekeni idia turana karana, sikuli ena pati, eiava spot gadara lalonai vareai karana; edena dala ai unai bamona hedibagani idia hanaia diba idia herevalaia. Tamana ese natuna ia hagoadaia do ia naria lasi bema hekwakwanai ia davaria neganai to do ia hereva henia haraga-ia ura diba bona ia ura durua.

Ane 32 bona guriguri.

September 23 Purana

Ane 21

5 min: Kongregesen ena hadibaia herevadia.

20 min: Kongregesen durua herevana. Eiava “Oi Roha Lao Idia Hedinarai Gaudia Edia Murina Oi Raraia!”, Gima Kohorona, February 15, 1996, rau 27-9 amo hereva oi henia.

20 min: “Sivarai Namona Gabu Iboudiai Dekenai Harorolaia.” Henanadai bona haere. Paragraf 1-​15 sibona karaia. Paragraf 3 bona 5 duahia. Iseda teritori lalonai dala ai bona basi lalonai idia haroro taudia edia ekspiriens namodia gwauraia danu.

Ane 215 bona guriguri.

September 30 Purana

Ane 171

12 min: Kongregesen ena hadibaia herevadia. Henanadai Mauana herevalaia.

20 min: “Sivarai Namona Gabu Iboudiai Dekenai Harorolaia.” Henanadai bona haere. Paragraf 16-​35 herevalaia. Hahedinaraia edena bamona idia gwauraia haroro daladia be iseda teritori dekenai ita gaukaralaia diba. Paragraf 23-5 haheitalaia. Paragraf 34-5 duahia.

13 min: October Ena Henia Gauna riviulaia. Gima Kohorona bona Noga! do ita hariharilaia. Inai bamona gaudia herevalaia: (1) Magasin idia karaia ena badina gwauraia, rau iharuana dekenai idia torea hegeregerena. (2) Gado idauidau dekenai idia halasia, tanobada hegegemadai Baibel ena diba idia hahedinaraia totona. (3) Gima Kohorona idia karaia ita sibona eda, famili, bona grup stadi totona. (4) Tomadiho idauidau idia bamoa taudia ese idia duahidia. (5) Ita ese magasin matamata do ita abia lao idia ura duahia taudia dekenai. (6) Bisi taudia totona idia karaia. (7) Gima Kohorona be lagani 1879 amo idia halasia ema bona hari; Noga! be lagani 1919 amo ema bona hari. Hereva oi hadokoa unai magasin be mai moale ida ia duahia tauna ena hereva amo.​—April 15, 1986, Watchtower, rau 32 itaia.

Ane 3 bona guriguri.