February Ena Hesiai Hebou
February 3 Purana
Ane 27
10 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi.
15 min: “Do Idia Karaia Lou Lasi Gaukarana Karaia.” Henanadai bona haere. Bema nega ia noho, Proclaimers bukana ena rau 714-15 ai ia noho herevana, “Keeping on the Watch—How?” ena hereva haida gwauraia.
20 min: “Sivarai Namona Ita Harorolaia mai Eda Lalo-Haraga Ida.” (Paragraf 1-5) Paragraf 1 ia herevalaia sisina murinai, hereva henia tauna ese pablisa rua o toi ida paragraf 2-5 ia kikilaia. Haroro herevadia edia hereva badadia idia gwauraia bona idia hahedinaraia dahaka dainai unai eiava unai bamona herevadia be namo kongregesen ena teritori dekenai. Pablisa taudia ese unai haroro herevadia idia haheitalaia. Hereva henia tauna ese edia hereva ia hanamoa bona do idia hanamoa diba dalana ia herevalaia. Bena helai taudia dekenai stadi hamatamaia daladia ia henanadailaia. Lalohadai namodia ia henia Diba bukana amo stadi do ita hamatamaia totona.
Ane 34 bona guriguri.
February 10 Purana
Ane 29
5 min: Kongregesen ena hadibaia herevadia. Akauns ripotina.
10 min: “Sivarai Namona Ita Harorolaia mai Eda Lalo-Haraga Ida.” (Paragraf 6-8) Paragraf 6-7 edia haroro herevadia haheitalaia. Kamonai taudia lou henia karana ena namo gwauraia.
30 min: “Heduru Painia Taudia 300 Ai Tahua.” Haroro naria tauna ese henanadai bona haere dalanai ia karaia. Rau 3 ena maua herevalaia. Rau 6 ena sediual, haheitalai gauna, hahedinaraia. Namona be bapatiso pablisa ta ta be mai guriguri ida idia laloa unai hua ta eiava haida ai heduru painia gaukarana do idia karaia diba eiava. Bapatiso lasi pablisa ese edia haroro gaukarana idia habadaia diba bema hua ta ta totona hora hida do idia abia be idia sibona idia atoa.
Ane 43 bona guriguri.
February 17 Purana
Ane 30
10 min: Kongregesen ena hadibaia herevadia. Magasin matamata edia hereva namodia oi gwauraia, inai pura ena haroro lalonai umui gaukaralaia totona.
13 min: “Memorial—Mai Anina Bada Hebouna!” Henanadai bona haere. Iboudiai hagoadaia heduru painia gaukarana amo March be hua namo hereana ai do idia halaoa. Memorial pepapepa gaukaralaia dalana hahedinaraia.
22 min: Baibel Stadi Hamatamaia. Idia hanaia hua haida lalonai, buka handred momo ita hariharilaia. Unai amo Baibel stadi momo do ita hamatamaia diba. Emui kongregesen dekenai buka bona gau ma haida umui hariharilaia vadaeni herevalaia. Pablisa hagoadaia kamonai taudia iboudiai do idia lou henia. Pablisa haida oi boiria idia ese edia hekwarahi Baibel stadi matamata hamatamaia totona idia herevalaia. Hahedinaraia iseda gaukara ena kahana badana be hahediba taudia halaoa gaukarana. (Mat. 28:19, 20) Unai gaukara lalonai anina ia vara bema June 1996 ena Iseda Basileia Gaukara lalonai idia udaia pepana ena hereva ita badinaia.
Ane 47 bona guriguri.
February 24 Purana
Ane 32
18 min: Kongregesen ena hadibaia herevadia. March lalonai heduru painia gaukarana idia karaia pablisa iboudiai edia ladana gwauraia. Hahedinaraia hari aplikeisen idia do henia diba. Iboudiai hagoadaia Saturday, March 1 ai, haroro gaukara do idia goadalaia. Kongregesen lalonai do idia karaia haroro heboudia herevalaia. Henanadai Mauana herevalaia namonamo.
12 min: “Oiemu Varavara be Edena Bamona?” Tau mai ena adavana ida ese unai hereva do idia herevalaia hebou bona dala idia abia hidi abidadama lasi varavara dekenai sivarai namona do idia hahedinaraia totona.—September 1, 1990 Gima Kohorona rau 28-31 itaia.
15 min: March Ena Henia Gauna herevalaia—Emu Ruma Bese Hamoalea Dalana. Hari inai negai ruma bese mauri idia hadikaia gaudia oi herevalaia sisina. (October 15, 1992, Gima Kohorona, rau 4-7 itaia.) Buka ena anina rau 3 dekenai herevalaia. Helai taudia noia haroro herevana lalonai do umui gaukaralaia karoa do idia abia hidi. Pablisa namona abia hidi buka hariharilaia dalana do ia haheitalaia totona. Iboudiai hadibaia lou buka haida do idia abia pura lalonai do idia gaukaralaia totona.
Ane 48 bona guriguri.