Henanadai Mauana

◼ Ta be orea lalonai idia abia vareai lou herevana idia gwauraia neganai, ia maoro imana ita hapatapataia, a?

Iena hebogahisi mai lalokauna dainai, Iehova Dirava ese Baibel lalonai dala ta ia hahedinaraia kara dika amo idia helalo-kerehai taudia ese iena lalo-namo idia abia lou bona Keristani kongregesen lalonai idia vareai lou totona. (Sal. 51:​12, 17) Unai ia vara neganai, ita idia hagoadaia unai helalo-kerehai momokani taudia dekenai iseda lalokau do ita hahedinaraia.​​—2 Kor. 2:​6-8.

To, ena be iseda varavara eiava ita diba tauna ta be orea lalonai idia abia vareai lou neganai ita moale bada, unai hereva be kongregesen dekenai idia gwauraia neganai hemataurai karana ita hahedinaraia be namo. October 1, 1998 ena Gima Kohorona, rau 17 ai, unai hereva be inai bamona idia herevalaia: “To, namona be ita laloatao, kongregesen taudia momo be unai tauna idia atoa murimuri ai eiava idia abia vareai lou ena badina idia diba lasi. Danu, reana haida be helalo-kerehai tauna ena kara kerere dainai, hisihisi idia abia​​—reana unai be nega daudau lalonai do ia noho. Unai bamona gaudia ita laloa dainai, ta idia abia vareai lou ena hadibaia herevana idia gwauraia neganai, mai lalo-parara ida ia ita abia dae moalena do ita hahedinaraia lasi ela bona ia sibona ita hereva henia.”

Ena be ita moale bada ta be hereva momokani dekenai ia giroa lou dainai, to ia idia abia vareai negana ai imana ita hapatapataia be maoro lasi.