Diba Maorona Oi Tahua

Lagani tausen momo ai, ta be inai henanadai ena haere ia diba lasi. Unai dainai daihanai gorere idauidau ese taunimanima milioni momo ia hamasea. To gabeai, saiens taudia ese sivarai momokani idia dibaia. Idia davaria, jems​—microorganism, hegeregere bakteria bona virus ese gorere idauidau idia havaraia. Unai sivarai momokani dibaia karana ese taunimanima ia durua gorere idia abia lasi bona gorere momo idia hanamoa totona, unai amo taunimanima bilioni momo be idia mauri daudau bona mauri namona idia moalelaia diba.

Mai anina bada henanadai ma haida be dahaka? Inai henanadai edia haere oi davaria karana ese edena dala ai oi do ia durua diba?

• Dirava be daika?

• Iesu Keriso be daika?

• Dirava ena Basileia be dahaka?

• Vaira negai be dahaka do ia vara?

Taunimanima milioni momo be unai henanadai idauidau edia haere idia davaria bona unai ese edia mauri ia hanamoa. Oi danu be unai haere idauidau amo namo oi davaria diba.

SIVARAI MOMOKANI OI DAVARIA DIBA, A?

Reana do oi laloa, ‘Edena dala ai gau ta ena sivarai momokani oi davaria diba?’ Badina, gau momo edia sivarai momokani ita tahua totona be auka. Dahaka dainai?

Taunimanima momo be gavamani, bisinesi, o nius halasia oreadia ese idia gwauraia herevadia idia ura lasi abia dae. Badina idia davaria ia auka edia lalohadai, idia gwauraia sivarai ena kahana haida, bona koikoi herevadia amo idia abia hamomokania gaudia idia lalopararalaia totona. Danu taunimanima be ta ta idia abidadama henia lasi bona infomeisen momo be koikoi dainai, taunimanima ese dahaka be momokani bona ena anina idia abia dae lasi.

Ena be unai bamona hekwakwanai idauidau idia vara, to dala ia noho mauri ai idia vara mai anina bada henanadai edia haere momokani ita davaria totona. Edena dala ai? Oi dibaia gaudia be dina ta ta ena mauri ai oi badinaia diba.

SIVARAI MOMOKANI OI TAHUA DALANA

Nega haida inai ia vara diba, sivarai momokani oi tahua totona. Mani Jessica ena sivarai oi laloa: Ia gwau: “Egu natuna kekeni be pinati ia ania neganai, dika bada do ia davaria ena be unai pinati be sisina sibona.” Namona be Jessica ia diba ia hoia aniani be ia namo ena natuna totona. “Lau karaia gauna ginigunana be, aniani edia ingredients lau sekea namonamo. Bena tahua gaukara ma haida lau karaia bona aniani idia karaia gabuna lau rini henia badina lau ura diba bema inai aniani be pinati ida idia mikisia eiava lasi. Danu lau be websait haida lau sekea eiava tahua gaukara ma haida lau karaia, unai amo do lau hamomokania bema idia gwauraia hereva be momokani eiava lasi.”

Dina ta ta ai oi tahua henanadai edia haere be reana Jessica ena bamona lasi, to Jessica hegeregerena, henanadai idauidau edia haere oi davaria totona inai dala haida oi badinaia diba:

• Hamomokania gaudia dibaia.

• Tahua gaukara ma haida karaia.

• Namona be oi sekea websait eiava oi karaia tahua gaukara ma haida be momokani.

Unai bamona daladia ese oi ia durua diba henanadai badadia edia haere maorodia oi davaria totona. Edena dala ai?

BUKA IDAUNA TA

Jessica ese mauri ena henanadai badadia edia haere ia tahua totona, ia ese ena natuna kekeni ena food allergies totona ia karaia tahua gaukarana hegeregerena ia badinaia. Ia gwau: “Baibel duahia bona tahua gaukara karaia namonamo karana ese lau ia durua mai anina bada henanadai edia haere lau davaria totona.” Jessica bamona, taunimanima milioni momo ese inai henanadai idauidau edia haere idia diba:

• Dahaka dainai inai tanobada dekenai ita noho?

• Ta ia mase neganai dahaka ia vara?

• Dahaka dainai hisihisi idia vara?

• Dirava be dahaka do ia karaia hisihisi ia haorea totona?

• Edena dala ai famili maurina ita moalelaia diba?

Baibel duahiduahi bona www.jw.org ai tahua gaukara ma haida oi karaia neganai, inai henanadai bona ma haida edia haere maorodia oi davaria diba.