Henanadai Mauana

◼ Kongregesen ese teritori ena mapu be Kingdom Hall lalonai idia atoa be namo, a?

Oibe, namona be teritori ena mapu be bodi ta dekenai idia atoa bona Kingdom Hall ena haba dekenai ia noho be namo. Mapu be notisbod dekenai idia atoa lasi. Namona be kongregesen ena teritori ibounai ena hetoana bona teritori ta ta edia hetoana bona edia namba ia hahedinaraia. Kingdom Hall tamona idia gaukaralaia kongregesen ibounai edia teritori ena hetoana ia hahedinaraia be namo. Unai ese pablisa bona kamonai matamata taudia do ia durua bena do idia diba edena kongregesen ena teritori dekenai idia noho. Kongregesen Buka Stadi idia noho gabudia be mapu dekenai hahedinaraia karana ese ibounai do ia durua idia lao henia buka stadi edia gabu idia davaria totona. Gau haida idia idau neganai, mapu dekenai unai ia hedinarai be gau badana.

Unai mapu hahedinaraia karana ese pablisa ibounai do ia durua kongregesen ena teritori idia diba namonamo totona. Bema ia hegeregere, pablisa taudia ai hagoadaia sibodia edia teritori idia abia. Unai bamona negadia ai, unai mapu ese idia ura edia noho gabuna kahirakahira dekenai teritori idia abia hidi taudia do ia durua bada. Reana nega haida ai, haroro heboudia dekenai ita ia durua nega do ita haorea kava lasi totona, badina haroro hebou hakaua tauna ese pablisa edia grup ta ta be do idia haroro gabuna dekenai ia siaia haraga diba.

Mapu ese ia hamomokania danu kongregesen be ena teritori dekenai Basileia ena sivarai harorolaia totona ia hegaegae namonamo.​​—Luka 9:6.