Hesiai Hebou Ena Sediual
August 14 Purana
Ane 114
12 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi. Papua New Guinea ena bona kongregesen ena haroro ripoti oi herevalaia. Ibounai hagoadaia hua ia do doko lasi neganai, haroro gaukara do idia karaia. Haroro hebou gabudia edia sediual riviulaia.
15 min: “Abidadama Ena Heau Helulu Do Oi Heaulaia.” Miniti tamona lalonai hamatamaia herevana gwauraia, bena henanadai bona haere amo karaia. Kongregesen ena Buka Stadi idia naria taudia ese edia grup totona edena bamona haroro gaukara idia hegaegaelaia, bona haroro gaukara karaia totona bona ripoti idia henia hanaihanai totona heduru idia tahua taudia durua daladia be Hesiai Gaukara bukana ena rau 44-5 amo hereva haida gwauraia.
18 min: Sikuli Lao Henia Karana amo Namo Oi Abia Dalana. Tamana ta ese ena natudia ia hereva henia, ia durudia edukeisen ia namo ena badina idia diba totona. (Memero Kekeni Edia Henanadai bukana, rau 133-9 itaia.) Matamata taudia momo idia mamia sikuli lao henia karana be hekwarahi badina hari taunimanima ese taravatu idia badinaia lasi. Idia hesiku danu, idia laloa idia dibaia gaudia ese do idia durudia lasi. Tamana ese Baibel amo hakaua herevadia bona badina namodia ia gwauraia, edukeisen idia abia be aonega karana ia hahedinaraia totona. Ena natudia ia hagoadaia idia stadi namonamo bona klas dekenai idia kamonai namonamo.
Ane 127 bona guriguri.
August 21 Purana
Ane 143
10 min: Kongregesen ena hadibaia herevadia. Akaun ripotina. Haida oi abia hidi idia hegaegaelaia namonamo haroro gaukara ena haheitalai amo inai henanadai do idia haerelaia: “Dahaka dainai lalokau Diravana ese nega daudau herea lalonai hisihisi ia koua lasi ema bona hari?” (Herevalaia bukana, rau 190-91) Ibounai hagoadaia inai pura lalonai haroro gaukara do idia karaia.
12 min: “Mai Edia Gau Lasi Taudia Ita Durua.” Elda ta ese hereva ia henia.
23 min: “Oi ese Namo Oi Davaria Noho, A?” Henanadai bona haere.
Ane 152 bona guriguri.
August 28 Purana
Ane 165
10 min: Kongregesen ena hadibaia herevadia. Ibounai hadibaia August ena haroro ripoti idia henia totona. Namona be Kongregesen Buka Stadi naria taudia ese idia itaia edia grup dekenai idia noho taudia ibounai ese edia ripoti idia henia, unai amo September 6 ia do abia neganai ripoti do idia duahia diba totona.
15 min: Kongregesen durua herevana. Eiava elda ta ese March 15, 1997, Gima Kohorona ena rau 25-8 amo hereva ladana “Namona be Oiemu Natuna be Do Ia Lao Bodini Sikuli, A?” ena hereva badadia do ia hahedinaraia.
20 min: “Matamata Taudia be Hebou Idauidau amo Namo Idia Abia.” Elda ta ese henanadai bona haere amo do ia karaia. Paragraf 8 umui herevalaia neganai, hebou lalonai kamonai namonamo karana idia hanamoa gaudia haida herevalaia. (September 22, 1998, Awake!, rau 19-20 itaia.) Tama sina hagoadaia edia natudia be hanaihanai hebou dekenai idia hakaua lao.—September 1, 1997, Gima Kohorona, rau 25 ai ia noho ekspiriens itaia.
Ane 176 bona guriguri.
September 4 Purana
Ane 196
12 min: Kongregesen ena hadibaia herevadia. Henanadai Mauana.
13 min: Iseda Nega be Idau. Elda ta ese November 15, 1996, Gima Kohorona ena rau 22-3 amo inai hereva do ia henia.
20 min: “Oi Haheauka Noho, A?” Hereva oi henia bona helai taudia ida oi kikilaia. Ibounai hagoadaia haroro gaukara dekenai idia hahedinaraia haheauka karana idia laloa namonamo totona. Bema manoka karadia idia hedinarai, namona be lauma dalanai sibona ita hagoadaia. October 1, 1999, Gima Kohorona, rau 20-1 ena paragraf 17-21 amo hereva haida gwauraia. Lagani momo lalonai mai edia abidadama ida idia haheauka taudia oi noia, do idia hahedinaraia dahaka idia karaia idia haheauka totona.
Ane 206 bona guriguri.