Henanadai Mauana

◼ Tama bona sina ruaosi ese famili stadi ena hora idia ripotilaia diba, a?

Ena be natudia dekenai “Lohiabada ena hadibaia hereva . . . hadibaia” karana be tama ena maduna, to tama sina ruaosi ese natuna idia hadibaia be namo. (Efe. 6:4) Baibel be natudia ia hagoadaia: “Lauegu natuna e, oiemu tamana bona sinana, edia hadibaia hereva do oi kamonai henia.” (Aon. 1:8) Tama sina edia hadibaia gaukara badana ta be, famili stadi.

Lagani gunadia ai, bema tamana be ena bapatiso lasi natudia stadi henia karana ia hakaua, vadaeni unai tama o stadi hakaua tauna sibona be unai hora ia ripotilaia, herevana sina danu be stadi lalonai heduru ia henia. To hari, dala matamatana do ita badinaia. Bema famili stadi lalonai tama bona sina be natudia idia hadibaia, vadaeni wiki ta ta ai tama ena ripoti ai bona sina danu be ena ripoti ai famili stadi ena hora tamona tamona idia ripotilaia diba. Vaia, nega momo tama sina be wiki ta ta ai hora tamona sibona lasi to nega bada idia gaukaralaia natudia idia hadibaia totona. Bona tama sina ese hanaihanai edia natudia idia hadibaia be gau badana. (Deu. 6:​6-9) To, namona be hua ta ta ena haroro gaukara ena ripoti fom ena hora ese ia hahedinaraia, tama bona sina be Witnes lasi taudia idia haroro henia danu. Unai dainai, wiki ta ta ai tama ena ripoti ai bona sina ena ripoti ai famili stadi ena hora tamona tamona idia ripotilaia be namo, herevana wiki ta ta ai nega rua o toi lalonai natudia ibounai o ta ta idia stadi henia o hora tamona idia hanaia. To, Baibel stadi bona lou henia sibona be stadi hakaua tamana (o stadi hakaua sinana) sibona ese do ia ripotilaia.