Henanadai Mauana​—1

◼ Daika ese magasin o Intanet ai ia noho fom ia hahonua be namo?

Taunimanima ese iseda magasin o pepapepa ai ia noho fom ta idia hahonua diba bona brens opesi dekenai idia siaia, magasin o buka idia abia o Iehova ena Witnes tauna ta ese ia vadivadi henidia totona. Danu, iseda Web sait www.watchtower.org amo Baibel stadi totona idia noinoi diba. Unai gaudia ese momo idia durua hereva momokani idia dibaia totona. To, hekwakwanai be pablisa momo ese unai gaudia idia gaukaralaia, edia varavara o ma haida totona buka o magasin idia abia eiava idia noinoi, Witnes ta ese edia varavara ia stadi henia totona.

Haida be oda idia karaia lasi to brens opesi ese idia dekenai buka bona magasin ia siaia, unai dainai idia moale lasi bona idia laloa iseda orea be unai gaudia siaia noho karana amo idia dekenai metau ia henia. Pablisa ese ta do idia lou henia ena hadibaia hereva idia abia, ena be unai tauna ia noinoi lasi, bona idia lou henia neganai unai tauna ese ia badu henidia bona idia hemarai. Unai dainai, namona be kamonai taudia ese iseda Web sait o magasin bona pepapepa ai idia noho fom idia hahonua, namo lasi pablisa ese ma haida totona unai idia karaia. Bema brens opesi ia diba unai fom be pablisa ese ma ta totona ia siaia, unai do ia abia dae lasi.

Vadaeni, edena dala ai eda varavara o turana ita durua diba? Bema oi ura buka o magasin ia abia, namona be ia dekenai oi siaia, harihari gauna ta bamona. Bema ia ura Witnes tauna ta ese ia vadivadi henia, to oi diba lasi ia noho gabuna ena kongrigeisen elda be edena bamona do oi hadibaia, namona be Mani Lou Henia (S-43) fom ta oi hahonua bona emu kongrigeisen ena seketere dekenai oi henia, bena ia itaia murinai, brens opesi dekenai do ia siaia. To bema kamonai tauna be dibura ruma o hospital ai ia noho, namo lasi ia totona brens opesi oi hadibaia. To ia oi hagoadaia, ia sibona ese unai gabu idia vadivadi henia tadikaka do ia hadibaia o brens opesi dekenai revareva ia siaia.