Haroro Herevadia

October Ena Saturday Ginigunana ai Baibel Stadi Hamatamaia

“Reana oi danu oi abia dae, ita taunimanima eda mauri be kwadogi. Oi laloa dina ta ita ese gorere do ita haorea bona ita mauri daudau diba, a? [Haere naria.] Inai magasin ese point namodia haida ia herevalaia.” Bena ruma tauna dekenai October 1 Gima Kohorona ena kopi ta henia, bona rau 16 ena hereva kwarana henunai ia noho herevana bona siri ta duahia bona herevalaia. Lou henia dalana oi karaia, henanadai iharuana ena haere umui herevalaia totona.

Gima Kohorona October-December

“Tano momo ai, taunimanima be hahine idia laloa bada lasi bona dagedage henidia. Dubu haida ese unai kara idia gwauraia kerere lasi. Oi laloa Dirava ese hahine ia lalodia bada, a? [Haere naria.] Tatau ese hahine do idia kara henia dalana be Baibel ese ia hahedinaraia. Mani ita itaia. [Efeso 5:28, 29 duahia.] Baibel ia hahedinaraia Dirava be hahine ia lalodia bada, bona inai magasin ese unai ia herevalaia.”

Awake! October

“Tama sina momo idia ura edia natudia be edukeisen namona idia abia. Oi laloa hari sikuli idia haorea matamata taudia idia hegeregere hekwakwanai idia haheaukalaia totona, a? [Haere naria.] Baibel ese laloparara bona aonega ita abia ena badina ia herevalaia dalana mani ita itaia. [Hadibaia Tauna 7:12 duahia.] Inai magasin ese dala namodia faiv ia hahedinaraia, unai ese natudia ia durua idia sikuli namonamo totona.”