Eda Haroro Gaukara Ita Karaia Namonamo Dalana​—Lou Henia Karaia Dalana

Dahaka Dainai mai Anina Bada? Bema kamonai tauna ta ita davaria, ita ura ita lou henia neganai, ena ruma ai ita davaria, unai amo ita hadoa hereva momokani ena uhe ita dairia diba. (1 Kor. 3:6) Anina be kamonai tauna ita do rakatania lasi neganai, ita nanadaia edena nega be namo ita lou henia totona. Unai sibona lasi, to henanadai ta do ita rakatania, ita giroa neganai do ita haerelaia. Unai amo ruma tauna be ita do ia naria, bona bema ita henia henanadai ena haere be ita rakatania pablikeisen ai ia noho, unai do ia duahia. Danu, lou henia dalana ita karaia neganai, do ita hekwarahi lasi badina do ita herevalaia gauna ita abia hidi vadaeni, bona ruma tauna ia diba dahaka do ita herevalaia. Ita lou henia neganai, ita hamaoroa ita giroa ena badina be, vanegai ita rakatania henanadai ita haerelaia totona, bena ita herevahereva.