Haroro Bona Mauri Dalana Hebou Pepana Edia Referens
© 2024 Watch Tower Bible and Tract Society of Pennsylvania
JULY 7-13
BAIBEL ENA HEREVA BADADIA AONEGA HEREVADIA 21
Baibel ena Hakaua Herevadia Headava Taudia Totona
w03-E 10/15 4 par. 5
Edena Dala ai Abia Hidi Maorona Oi Karaia Diba?
Ta ese abia hidi ia karaia haraga be aonega karana lasi. Aonega Herevadia 21:5 ia gwau: “Gaukara goadagoada tauna ena palani idia guguru, to idia kara haragaharaga taudia be idia ogogami.” Hegeregere, bema matamata taudia idia ura edia hetura karana idia hagoadaia, namona be idia naria guna. Namo lasi lagani 1800 lalonai, English toretore tauna William Congreve ena hereva ese idia dekenai ia vara, ia gwau: “Idia headava haraga taudia be nega bada ia noho idia lalohisihisi totona.”
g-E 7/08 7 par. 2
Headava Namona Oi Haginia Dalana
Manau Karana Hahedinaraia. “Namo lasi umui heiriheiri eiava sibona umui abia isi, to mai manau ida do umui laloa ma haida ese umui idia hereaia.” (Filipi. 2:3) Headava momo lalonai heai idia vara badina hekwakwanai idia vara neganai ta ta idia bleim, to mai manau ida dala idia tahua lasi unai hekwakwanai idia hamaoromaoroa totona. Manau karana ese oi do ia durua, lalotamona lasi karana ia vara neganai, do oi gwau lasi emu hereva be maoro.
“Oiemu Matamata Negana ai Oi Adavaia Hahine Oi Moalelaia”
13 To, bema headava taudia be ta ta idia kara henia namonamo lasi dainai, hekwakwanai idia vara, dahaka idia karaia be namo? Namona be idia hekwarahi unai hekwakwanai idia hamaoromaoroa totona. Reana, edia headava lalonai nega ibounai ta ta idia hereva dika henia karana be ia bada ia lao noho. (Aonega Herevadia 12:18) Pura gunana ena stadi amo ita itaia, unai ese headava ia hadikaia diba. Baibel ena aonega herevana ta ia gwau: “Taunimanima idia noho lasi tano dekenai, do oi noho be namo, to ia hereva momo bona ia maumau noho hahine, danu do oi noho be dika.” (Aonega Herevadia 21:19) Bema oi be hahine, bona emu headava maurina be unai bamona, sibona oi nanadaia: ‘Lau badu momo dainai, egu tau ia ura lasi lau danu ia noho, a?’ Baibel ese headava tatau ia hamaorodia: “Tatau e, emui adavana do umui lalokau henia, idia do umui dagedage henia lasi.” (Kolose 3:19) Bema oi be tau, oi sibona oi nanadaia: ‘Egu hahine dekenai lalokau bona kara namodia lau hahedinaraia lasi dainai, egu hahine be tau matamata ia tahua, a?’ To, namo lasi ta ia laloa ena adavana be unai bamona dainai, heudahanai karana ia karaia be maoro. Lasi, to heudahanai karana ia vara diba dainai, emui hekwakwanai be mai laloa kehoa ida umui herevalaia be gau badana.
Hakaua Hereva Namodia
Dirava Ena Basileia Ena Matahanai Ia Momokani
9 Iesu be taunimanima ta bamona doniki ena natuna latanai ia helai lasi, to hari ia be siahu bada King ta. Baibel ese ia hahedinaraia ia be hosi dekenai ia guia—Hosi ese tuari ia laulaulaia. (Aonega Herevadia 21:31) Apokalupo 6:2 ia gwau: “Hosi kurokurona ta lau itaia. Hosi dekenai ia guia tauna be mai ena peva. Unai tau dekenai kwara gauna namona idia henia, vadaeni mai goada danu ia lao, do ia kwalimu totona.” Danu, Salamo torea tauna ese Iesu ia herevalaia neganai, ia gwau: “Siona dekena amo Lohiabada ese, oiemu King siahuna do ia habadaia, Lohiabada ese oi ia hamaoroa, ia gwau, ‘Oi dekenai idia tuari henia taudia do oi biagua.’”—Salamo 110:2.
JULY 14-20
BAIBEL ENA HEREVA BADADIA AONEGA HEREVADIA 22
Baibel ena Hakaua Herevadia Natudia Naria Totona
Oi Ura Emu Natudia be Dirava Idia Hesiai Henia, A?
7 Bema oi be headava tau bona hahine bona umui ura natuna umui havaraia, sibona umui nanadaia: ‘Ita be mai manau ida Iehova ita lalokau henia bona ena Hereva ita ura henia, a? Iehova ese ita ia abia hidi diba beibi ta ita naria totona, a?’ (Sal. 127:3, 4) Bema oi be tama bona sina ta, sibona oi nanadaia: ‘Egu natuna dekenai gaukara goada karana ena namo lau hadibaia, a?’ (Had. 3:12, 13) ‘Lau gaukara goada egu natudia lau gimaia Satani ena tanobada ena kara dikadia idia dadaraia totona, a?’ (Aon. 22:3) Momokani, emu natudia be hekwakwanai ibounai amo oi gimaia diba lasi. To mai lalokau ida idia oi durua diba mauri lalonai hekwakwanai idia davaria neganai, Dirava ena Hereva amo heduru idia tahua. (Aonega Herevadia 2:1-6 duahia.) Hegeregere, bema emu varavara ta be abia hidi ia karaia Iehova ia hesiai henia lasi totona, Baibel amo emu natuna dekenai oi hahedinaraia Iehova badinaia karana be mai anina bada. (Sal. 31:23) Eiava bema emui lalokau tauna ta ia mase, emu natuna dekenai Baibel siri haida oi hahedinaraia unai hisihisi ia haheaukalaia bona lalomaino ia abia totona.—2Kor. 1:3, 4; 2 Tim. 3:16.
Tama Sina—Natudia Umui Treinia Iehova Idia Lalokau Henia Totona
17 Natudia idia do maragi neganai treinini oi henia. Natudia idia do maragi neganai tama sina ese treinini idia henia be namo. (Aon. 22:6) Mani Timoteo ita laloa, ia do mero matamata neganai aposetolo Paulo ia bamoa. Timoteo ena sinana, Eunike, bona ena tubuna hahine Loi ese Timoteo be “beibi negana amo” treinini idia henia.—2Tim. 1:5; 3:15.
18 Côte d’Ivoire dekenai idia noho headava tau bona hahine, John bona Paula, be edia natudia siks dekenai Iehova lalokau henia bona hesiai henia karana idia hadibaia. Dahaka ese idia ia durua? Idia ese Eunike bona Loi edia haheitalai idia tohotohoa. Idia gwau, “Emai natudia be beibi negana amo, Dirava ena hereva be idia dekenai ai hadibaia matamaia.”—Deu. 6:6, 7.
19 Iehova ena Hereva be emu natudia dekenai oi “hadibaia goada” ena anina be dahaka? “Hadibaia goada” ena anina be “idia oi hadibaia bona oi gwauraia loulou.” Tama sina ese unai idia karaia totona, nega idia atoa be namo hanaihanai edia natu maragidia ida idia hebamo totona. Nega haida edia natudia dekenai unai hadibaia herevadia idia gwauraia loulou dainai idia lalomanoka diba. To, namona be tama sina idia diba bema idia hekwarahi edia natudia idia durua Dirava ena hereva idia lalopararalaia bona badinaia diba.
w06-E 4/1 rau 9 par. 4
Tama Sina E—Emu Natudia Dekenai Haheitalai Namona Umui Hahedinarai
Oibe, natudia oi durua totona be auka bona nega haida edia kara be dika momokani. (Genese 8:21) Tama sina be dahaka do idia karaia? “Mero ena kudouna ai kavakava lalohadai ia noho, to matahakani auna ese unai do ia kokia.” (Aonega Herevadia. 22:15) Haida idia laloa unai be kara aukana bona sisiba gunana. Momokani Baibel ia gwau, dagedage bona kara dika be maoro lasi. Nega haida “auna” be au korikorina ia herevalaia, hegeregere tama sina edia maduna be edia natudia idia gimaia, bona idia be mai edia siahu sisiba idia henia, to mai lalokau ida bona dala maorona ai unai do idia karaia.—Heberu 12:7-11.
Hakaua Hereva Namodia
Emu Hesiai Gaukara Oi Moalelaia
11 Unai hegeregerena, mai goada ida Iehova ena hesiai gaukara ita karaia neganai, iseda moale do ita habadaia. Namona be haroro gaukara ai ‘nega bada ita gaukaralaia,’ bona ita hekwarahi kongrigeisen ena gaukara idauidau ita durua. (Kara 18:5; Heb. 10:24, 25) Kongrigeisen heboudia totona ita hegaegae namonamo, unai amo haere namodia ita henia diba. Wiki ena hebou totona ita abia asainmen ita laloa bada. Bema kongrigeisen ai gaukara ta idia henia, namona be nega korikori ai unai oi karaia bona oi karaia namonamo. Namo lasi oi laloa idia henia gaukara be anina bada lasi bona nega bada do oi henia lasi unai oi karaia totona. To oi hekwarahi emu gaukara oi karaia namonamo totona. (Aon. 22:29) Bema Iehova totona oi gaukara goada, ena turana namona ai do oi lao bona do oi moale. (Gal. 6:4) Bona oi ura gaukarana be ma haida ese idia abia neganai, idia totona do oi moale.—Roma 12:15; Gal. 5:26.
JULY 21-27
BAIBEL ENA HEREVA BADADIA AONEGA HEREVADIA 23
Baibel ena Hakaua Herevadia Alkahol Gaukaralaia Totona
Kekero Muramura Gaukaralaia Karana Laloa Maoromaoro
5 Bema ta be kekero muramura ia inua to ia ura lasi taunimanima ese ena kekero toana idia itaia be edena bamona? Haida be kekero ena toana idia hahedinaraia lasi, herevana kekero muramura momo idia inua. To, bema oi laloa unai kara be dika lasi, oi be sibona oi koia unai. (Ieremia 17:9) Metairametaira, ta be kekero muramura ia tabekau henia matamaia diba, bona ‘inuinu kekero ese ia do ia biagua.’ (Tito 2:3) Toretore hahinena ta Caroline Knapp be kekero muramura manadalaia karana ia herevalaia: “Ta be ia lalo-parara lasi to metairametaira unai kara do ia manadalaia tauna ai do ia lao.” Kekero muramura gaukaralaia kerere karana be tarapu dikana!
6 Danu, Iesu ena hadibaia herevana ita laloa: “Do umui naria namonamo, aniani bona kekero muramura bona tanobada ena laloa metau momo gaudia ese emui lalona do idia guia garina, vadaeni Lohiabada ena Dina do ia mai haraga, umui hegaegae lasi garina. Badina be unai Dina be tanobada latanai idia noho taunimanima ibounai dekenai do ia ginidae.” (Luka 21:34, 35) Herevana ta ia kekero momokani eiava lasi, to unai kara ese mahuta bona lahedo mamina—tauanina bona lauma dalanai—ia havaraia diba. To bema ia kekero noho lalonai Iehova ena dina ia ginidae be edena bamona?
it-1-E 656
Inuinu Kekero
Baibel ese ia taravatua. Baibel ese kekero karana ia taravatua. Aonega Herevadia ia torea tauna be alkahol momo inua karana ena dika bona taunimanima dekenai do ia havaraia hekwakwanai ia gwauraia. Ia gwau: “Daika be dika ia davaria? Daika ia lalohisihisi? Daika ia heai noho? Daika ia maumau momo? Daika be bero ia davaria kava? Daika ena matana ia kakakaka? Idia be hora momo lalonai wain idia inua taudia, bona idia mikisia wain idia tahua taudia. Kapusi lalonai ia noho wain kakakakana ena toana namo herea bona ena mamina namona [ia auka lasi gadona dekenai ia diho totona] do oi ura henia lasi. Badina dokonai, ia be gaigai bamona oi do ia koria, bona poisini gaigai bamona emu tauanina ai poisini ia atoa [gorere ia havaraia diba, (hegeregere asena ena gorere) bona ena laloa dalana (ia daradara bona ia kavakava bamona), bona ta ia hamasea diba]. Emu matana ese anina lasi gaudia do ia itaia [alkahol be harana ese tauanina ia biagua namonamo karana ia hadikaia, ia biagua karadia ia biagua diba lasi; matahanai dikadia ia itaia o kamonai; sivarai ta do ia gwauraia hegeregere ia vara momokani bamona, to ia vara lasi; bona kekero tauna be hemarai karadia ia karaia], bona gau idauidau do oi herevalaia kava [bona ena lalohadai bona hereva ia biagua lasi].”—Ao 23:29-33; Ho 4:11; Mt 15:18, 19.
Aonega Herevadia ia torea tauna ese kekero tauna ena mauri ai idia vara gaudia ma haida ia herevalaia: “Oi be davara huanai ia mahuta tauna bamona [ta be davara lalonai ia maloa bona ia maserea bamona], bouti ena au ena ataiai momokani kahanai ia hekure noho tauna bamona [bouti ena marere be au ena ataiai ia mamia badabada, unai hegeregerena kekero tauna ena mauri ai aksiden, stroke gorere, heai, bona unai bamona karadia amo dika ia davaria diba]. ‘Idia ese lau idia botaia, to lau mamia lasi. Lau idia kwadia, to lau diba lasi [kekero tauna be sibona ia hereva henia bamona; ia karaia gaudia ia diba lasi bona ia davaria hisihisi ia mamia lasi]. Edena negai mahuta amo do lau noga? Lau ura kekero muramura ma ta lau inua [alkahol momo ia inua dainai ia ura ia mahuta, to kekero muramura ese ia biagua dainai ia ura ma haida ia tahua bona ia inuinu lou].’” Alkahol dekenai moni bada ia negea dainai do ia ogogami, badina ena gaukara ia karaia namonamo lasi bona haida ese do idia abidadama henia lasi.—Ao 23:20, 21, 34, 35.
Hakaua Hereva Namodia
w04-E-11/1 31 par. 2
Duahia Taudia Edia Henanadai
Hegeregere, aniani momo tauna ena tauanina do ia bada, to nega momo unai bamona do ia vara lasi. Tau ta ena tauanina ia bada badina reana ena bese taudia be vaia unai bamona o ia be mai ena gorere ta. Unai dainai namona be inai ita diba, tauanina ia bada be ta ena toana, to aniani momo karana be ta ena lalohadai aniani dekenai. Tauanina ena bada be “ta ena tauanina ia bada herea ena toana,” to aniani momo karana be “mataganigani eiava ta ia ura dikadika aniani momo ia ania.” Bema ita ura diba daika be mataganigani tauna, ena tauanina ia bada eiava ia maragi be gau badana lasi, to ena lalohadai aniani dekenai do ita laloa. Reana ta ena tauanina be do ia maragi, to ia be aniani momo tauna. Bona danu, gabu ta ta ai taunimanima edia toana bona metau be idauidau.
JULY 28–AUGUST 3
BAIBEL ENA HEREVA BADADIA AONEGA HEREVADIA 24
Hekwakwanai Idauidau Totona Sibona Oi Hegaegaelaia
it-2-E 610 par. 8
Dagedage Karana
Keristani taudia idia moale badina idia haheauka taudia be ahuna idia naria noho. Iesu be unai ahuna ia herevalaia, ia gwau: “Kara maoromaoro dainai dagedage idia davaria taudia be idia moale, badina guba Basileia be idia edia.” (Mt 5:10) Toreisi lou helarona bona toreisi lou ia havaraia Tauna idia dibaia dainai, edia abidadama ia goada. Unai ese idia ia hagoadaia Dirava idia badinaia noho totona, herevana dagedage taudia ese hagaria herevadia idia gwauraia, to idia gari lasi. Iesu ena mase ena hahenamo idia abidadama henia dainai, dagedage taudia ese do idia hamasea karana dekenai idia gari lasi. (He 2:14, 15.) Dagedage negana ai Keristani tauna ia gini goada totona, lalohadai maorona ia abia be mai anina bada. “Keriso Iesu ena lalohadai do umui dogoatao noho, ia be . . . kamonai karana ia hahedinaraia ela bona ia mase, oibe, hisihisi auna dekenai ia mase.” (Fp 2:5-8) “Ia be iena vairanai ia noho moalena dainai, hisihisi auna ia haheaukalaia, bona do ia abia hemaraina ia laloa lasi.”—He 12:2; itaia danu; 2Kor 12:10; 2Te 1:4; 1Pe 2:21-23.
Hekwakwanai Negadiai Oi Moale Noho
12 Aonega Herevadia 24:10 ia gwau: “Bema hekwakwanai neganai oi manoka neganai, oiemu goada be maragimaragi momokani.” Aonega herevana ma ta ia gwau: “Lalohisihisi ese, unai tau ena lauma ia hamanokaia noho.” (Aon. 15:13) Tadikaka taihu haida be idia lalohisihisi bada dainai, edia Baibel duahiduahi bona laloa dobu karana idia karaia lasi. Edia guriguri be idia gwauraia kava sibona bona hebou dekenai idia lao lasi. Ia hedinarai goevagoeva, nega daudau lalonai ita lalohisihisi noho karana ese iseda hetura karana Dirava ida ia hadikaia diba.—Aon. 18:1, 14.
13 To, lalohadai maorona ese ita ia durua, eda mauri lalonai kara namodia ita laloa bada bona ita moale totona. Davida ia gwau: “Lauegu Dirava e, lau ura dikadika oiemu ura do lau karaia.” (Sal. 40:8) Iseda mauri lalonai hekwakwanai ita davaria neganai, namo lasi Iehova tomadiho henia karadia ita rakatania. Oibe, ita idia hamoalea gaukara idauidau ita karaia be lalohisihisi koua dalana namona. Iehova ia gwau moale ita davaria diba bema hanaihanai iena Hereva ita duahia bona ita stadilaia. (Sal. 1:1, 2; Iam. 1:25) Buka Helaga bona Keristani hebou amo “hereva namodia” ita abia, bona unai ese iseda lalona idia hamoalea diba.—Aon. 12:25; 16:24.
Duahia Taudia Edia Henanadai
Aonega Herevadia 24:16 ia gwau: “Kara maoromaoro tauna, be nega momo do ia moru, to ma do ia toreisi.” Unai siri ena anina be ta be kara dika lalonai ia moru loulou, to Dirava ese ia gwauatao, a??
Lasi, unai be siri ena anina lasi. To ena anina be tau ta be nega momo hekwakwanai idauidau ia davaria dainai ia moru, to ia toreisi lou badina ia haheauka.
Unai ese ia hahedinaraia Aonega Herevadia 24:16 be kara dika dekenai “moru” karana ia herevalaia lasi, to ta be hekwakwanai ia davaria loulou karana ia herevalaia. Inai kara dika tanobadana lalonai, kara maoromaoro tauna be gorere eiava hekwakwanai ia davaria diba. Eiava ena abidadama dainai gavamani ese do idia dagedage henia bada. To ia abia dae momokani Dirava ese do ia durua ia haheauka bona ia kwalimu totona. Sibona oi nanadaia: ‘Lau itaia Dirava ena hesiai taudia be hekwakwanai idia davaria to idia kwalimu, ani?’ Dahaka dainai? Baibel ese ita ia hagoadaia “Hisihisi idia abia noho taudia, be Lohiabada ese ia durua noho, bona dagedage taudia ese tau haida idia hahisia neganai, Lohiabada ese unai hisihisi taudia ia abia isi noho.”—Sal. 41:1-3; 145:14-19.
Hakaua Hereva Namodia
Duahia Taudia Edia Henanadai
Baibel negadiai, bema tau ta be ia ura ‘ruma do ia haginia,’ o ia headava bena ruma bese ta ia havaraia, ia sibona ia nanadaia guna, ‘Lau hegeregere egu adavana bona gabeai do ai havaraia natudia lau naria bona durua totona, a?’ Ruma bese ta ia do hamatamaia lasi neganai, iena maduna be uma gabu do ia karaia bona uhe do ia hadoa. Unai dainai, Baibel ta (Today’s English Version) lalonai Aonega Herevadia 24:27 be inai bamona idia torea: “Emu ruma oi do haginia lasi bona ruma bese oi do hamatamaia lasi neganai emu uma idia hegaegae guna, bona oi diba momokani tauanina durua gaudia oi abia diba.” Hari inai negai, unai hakaua herevana be mai anina bada, a?
Oibe. Gau badana be ia ura headava tauna be unai maduna totona ia hegaegae namonamo. Bema ena tauanina ia goada, vadaeni do ia gaukara be namo. Oibe, namona be tau ia gaukara goada ena ruma bese dekenai tauanina durua gaudia bona gau ma haida ia henia totona. Baibel ese ia hahedinaraia, bema tau ta ese ena ruma bese ia ubua lasi, edia hemami ia laloa lasi, bona Iehova ena sivarai o Baibel amo idia ia durua lasi, iena dika ese abidadama lasi tauna ena dika ia hereaia! (1Tim. 5:8) Unai dainai, bema tau matamata ta be headava totona ia hegaegae, namona be inai henanadai ia henia: ‘Lau hegaegae namonamo vadaeni egu ruma bese edia tauanina durua gaudia lau henia totona, a? Lau hegaegae namonamo vadaeni egu ruma bese ena tomadiho karadia lau gunalaia totona, a? Egu ruma bese ena stadi be hanaihanai do lau hakaua, a?’ Baibel be unai maduna badadia ia herevalaia danu.—Deu. 6:6-8; Efe. 6:4
Unai dainai, namona be adavana ia tahua tau matamata ese Aonega Herevadia 24:27 ena hakaua herevana ia laloa namonamo. Unai hegeregerena, namona be hahine matamata be ia sibona ia nanadaia, ‘Lau hegaegae vadaeni headava hahine bona sina ena maduna lau huaia totona, a?’ Danu, bema headava matamata tau bona ena hahine idia ura natudia idia havaraia, vadaeni unai bamona henanadai idia laloa be namo. (Luka 14:28) Bema Dirava ena taunimanima ese unai bamona hakaua herevadia idia badinaia, unai ese idia ia durua diba idia lalohisihisi lasi to ruma bese ena mauri namona idia moalelaia totona.
AUGUST 4-10
BAIBEL ENA HEREVA BADADIA AONEGA HEREVADIA 25
Baibel ena Hakaua Herevadia Iseda Herevahereva Totona
Emu Malana Gaukaralaia Namonamo
6 Dahaka dainai nega maorona ai ita hereva be mai anina bada? Aonega Herevadia 25:11 ia gwau: “Hereva maorona gwauraia namonamo karana, be golo herahera siliva bosea latanai bamona.” Golo apolo be mai edia hairai, to siliva bosea latanai oi atodia neganai, idia be do idia hairai momokani. Unai hegeregerena, bema nega maorona ai ita hereva, ita ese ma ta ita durua diba. Edena dala ai?
7 Bema nega kererena ai ita hereva, reana taunimanima be ita gwauraia herevana do idia abia dae lasi. (Aonega Herevadia 15:23 duahia.) Hegeregere, March 2011 ai, tano mareremarere bona sunami ese Japan ena ist kahana ai idia noho siti momo ia hadikaia. Bona taunimanima 15,000 mai kahana idia mase. Ena be Iehova ena Witnes taudia momo ese edia ruma bese bona turadia idia haboioa, to idia ese Baibel idia gaukaralaia idia lalohisihisi taudia idia hagoadaia totona. Tadikaka idia diba unai taudia momo be Budis tomadihona idia badinaia bona Baibel ena hereva idia diba namonamo lasi. Unai dainai, idia ese toreisi lou helarona idia herevalaia lasi, to unai taudia idia hagoadaia bona Baibel amo idia hahedinaraia dahaka dainai kara namo taudia dekenai unai bamona dika ia vara.
Emu Malana Gaukaralaia Namonamo
15 Hereva ita gwauraia dalana be mai anina bada. Iesu be iena hanua Nasareta ai, sinagoga dekenai ia hereva neganai, taunimanima be “ena uduna amo idia mai hereva namodia dainai idia hoa.” (Luka 4:22) Hereva namodia ita gwauraia neganai, unai ese taunimanima do ia hamoalea, bona iseda hereva do idia kamonai henia, danu ita gwauraia hereva do idia abia dae. (Aon. 25:15) Ita ese hebogahisi dalanai taunimanima ita hereva henia diba, bema edia hemami ita laloa bona idia ita matauraia. Iesu ia itaia hutuma idia ura iena hereva idia kamonai bona idia ia hebogahisi henia, “bona idia dekenai gau momo ia hadibaia matamaia.” (Mar. 6:34) Ena be ia idia hereva dika henia, to edia hereva ia haloua lasi.—1Pet. 2:23.
16 Ita manada tauna ita hereva henia neganai, mai manau bona aonega ida ita hereva be auka. Idia dekenai ita manada dainai, ita laloa namonamo lasi bona ita hereva diba. Iseda famili bona kongrigeisen ai idia noho tura namodia dekenai unai bamona ita karaia, ani? Oi laloa Iesu be iena hahediba taudia ia diba namonamo dainai, idia ia hereva auka henia, a? Lasi! Iena hahediba taudia be, daika ia bada idia hepapahuahulaia neganai, Iesu be mai manau ida edia kerere ia hamaoromaoroa, bona natu maragina ena haheitalai ia gaukaralaia. (Mar. 9:33-37) Elda taudia be Iesu do idia tohotohoa bona idia sisiba henia tauna be ‘mai manau ida idia hamaoromaoroa.’—Gal. 6:1.
Edena Bamona Ita Ha-Uraia Heheni, Lalokau Bona Kara Namodia Havaraia Totona?
8 Iseda Dirava ena hesiai ita lao henia lalonai, ita ibounai be iseda haheitalai amo ita hagoadaia heheni diba. Iesu ese ena hereva idia kamonai taudia ia ha-uradia. Ia ese Keristani hesiai gaukarana ia ura henia bada bona ia abia isi. Ia gwau unai gaukara be iena aniani. (Ioane 4:34; Roma 11:13) Unai bamona lalo-goadana ia hanai diba haida dekenai. Unai hegeregerena, emu moale, haroro gaukarana moalelaia moalena, be oi hahedinaraia diba,a? Namona be emu ekspiriens namodia be kongrigeisen taudia do oi hamaorolaidia, gau tamona, do oi heagilaidia lasi be namo. Haida do oi boiridia idia be oi ida do umui gaukara hebou neganai, namona be do oi durudia toho, iseda Dirava Hereadaena, Iehova, do idia harorolaia mai edia moale momokani ida totona.—Aonega Herevadia 25:25.
Hakaua Hereva Namodia
it-2-E 399
Manau
Manau tauna be manau karana ia hahedinaraia badina ia be mai ena abidadama bona goada. Ia be aonega tauna bona gau ta ese ena laloa namonamo ia hadikaia lasi. Manau lasi tauna ese ia hahedinaraia, ia be sibona ia laloa maragi, ia moale lasi, ena abidadama bona helaro be manoka bona ia lalohekwarahi momo. Aonega Herevadia ese manau lasi tauna be inai bamona ia herevalaia: “Iena badu ia biagua lasi tauna, be magu idia hadikaia vadaeni siti bamona.” (Ao 25:28) Ia be lalohadai dikadia ia laloa momo bona unai ese ia doria kara dikadia ia karaia totona.
AUGUST 11-17
BAIBEL ENA HEREVA BADADIA AONEGA HEREVADIA 26
“Kavakava Tauna” amo Oi Noho Daudau
it-2-E 729 par. 6
Medu
Weda Idauidau. Gwauhamata Tanona ena weda be siahu bona keru negana, eiava do ita gwau medu bona medu lasi negana. (Sal 32:4; Sol 2:11, ftn hahegeregerea.) April huanai ela bona October huanai, medu sisina ia diho. Unai nega ai medu be ia diho momo lasi dainai, bona unai be nega namona uma aniani idia haboua totona. Aonega Herevadia 26:1 ese ia hahedinaraia aniani idia haboua negana ai medu ia diho be namo lasi. (1Sa 12:17-19 hahegeregerea.) Medu negana ai, nega haida medu be ia diho badabada lasi bona nega haida guba dekenai ori be lasi. Danu unai be keru negana dainai, medu ia diho neganai taunimanima be do idia keru bada herea. (Esr 10:9, 13) Unai dainai, ruma lalonai idia noho be namo.—Isa 4:6; 25:4; 32:2; Iob 24:8.
w87-E 10/1 19 par. 12
Matahakani ese Namo Ia Havaraia
12 Taunimanima haida be sisiba auka idia abia be namo, Aonega Herevadia 26:3 ese unai ia hahedinaraia: “Kwadia varo be hosi totona, taria varona be doniki totona, bona kwadia auna be kavakava taudia edia doruna kwadia totona.” Nega haida Israela besena edia kerere dainai idia davaria dika be Iehova ese ia koua lasi: “Badina idia be Dirava ena hereva dekenai idia gwau-edeede, Ataiai Momokani Diravana ena hakaua dalana idia dadaraia. Idia davaria dika be Dirava ese ia koua lasi, unai amo idia ia hamanaua, idia be idia moru, bona tau ta ia noho lasi, idia ia durua totona. Hisihisi negadia ai Iehova dekenai heduru totona idia boiboi, ia ese edia hisihisi amo idia ia hamauria.” (Sal 107:11-13) Kavakava taudia haida be edia kudouna idia ha-aukaia bona idia ura lasi matahakani idia abia unai be edia namo totona: “Bema ta be sisiba momo ia abia, to ena kudouna ia ha-aukaia, ia be dika bada do ia davaria haraga, do ia namo lasi.”—Aonega Herevadia 29:1.
it-2-E 191 par. 4
Aena Dika Tauna
Laulau Herevadia. King Solomona ia gwau: “Ta be ena aena ia utua oho bona sibona ia haberoa [anina be do ia raka diba lasi], kavakava tauna dekenai gaukara ia henia tauna be unai bamona.” Momokani, tau ta ese kavakava tauna ia abia hidi ena gaukara ia karaia totona be sibona ena bisinesi ia hadikaia noho. Ia palanilaia gauna do ia hagugurua lasi, bona sibona dekenai dika ia havaraia.—Ao 26:6.
Hakaua Hereva Namodia
it-1-E 846
Kavakava Tauna
Bema ta be kavakava tauna be “ena kavakava hegeregerena” ia haere henia, anina be iena aonega lasi, to kavakava dalana ai idia hepapahuahu neganai, ia be unai kavakava tauna bamona ai do ia lao. Kavakava tauna bamona ita lao lasi totona, Aonega Herevadia ese ita ia sisiba henia: “Kavakava tauna be ena kavakava hegeregerena oi haere henia lasi.” To danu, Aonega Herevadia 26:4, 5 ia gwau, “Kavakava tauna be ena kavakava hegeregerena oi haere henia.” Unai hereva ena anina be ena hepapahuahu herevana ita tahua namonamo bona ena kerere ita halasia be maoro, unai dala amo ita hahedinaraia iena badu herevana be kerere.
AUGUST 18-24
BAIBEL ENA HEREVA BADADIA AONEGA HEREVADIA 27
Tura Namodia amo Heduru Ita Abia
Iehova ese Manau Taudia Ia Laloa Bada
12 Manau tauna be sisiba ia abia dae. Mani inai haheitalai oi laloa: Oi be Keristani hebouna ta dekenai oi noho. Tadikaka taihu haida ida oi herevahereva murinai, idia ta be hunia dalanai oi ia hadibaia emu isena dekenai aniani ena momoru sisina ia noho. Reana unai hereva dainai do oi hemarai. To, unai tadikaka eiava taihu ese oi ia hadibaia dainai do oi moale, a? Reana do oi laloa ta ese oi ia hadibaia haraga be namo! Unai hegeregerena, tadikaka eiava taihu ta ese ita ia sisiba henia neganai, ita manau be namo. Sisiba ia henia tauna be iseda turana bamona ita laloa, to iseda inai tauna lasi.—Aonega Herevadia 27:5, 6 duahia; Gal. 4:16.
it-2-E 491 ¶3
Dekena Tauna
Aonega Herevadia lalonai, emu turana oi abidadama henia, tabekau henia, bona nega aukadia ai heduru totona ia dekenai oi lao ena sisiba herevana ia noho, ia gwau: “Namo lasi emu turana eiava emu tamana ena turana oi laloaboio, bona dika oi davaria negana ai namo lasi emu tadikaka korikori ena ruma oi lao. Oi kahirakahira ia noho dekena tauna [sha·khenʹ] dekenai oi lao, to namo lasi daudau ai ia noho tadikaka dekenai oi lao.” (Ao 27:10) Aonega Herevadia ia torea tauna ia hahedinaraia kahirakahira ia noho turana ta dekenai heduru ita noia be namo, to namo lasi daudau ai ia noho tadikaka dekenai ita lao. Badina reana iseda turana be ia hegeregere bona ia hegaegae noho ita ia durua totona.
Matamata Taudia E, Dahaka Abia Hidi Do Umui Karaia?
7 Iehoasa ena abia hidi kererena amo ita diba, tura namodia do ita abia hidi, idia ese ita do idia hagoadaia—unai bamona turadia be Iehova idia lalokau henia bona idia ura ia idia hamoalea. Namo lasi mauri lagani tamona taudia sibona ita bamoa. Laloatao, Iehoasa ena turana Iehoiada ena mauri lagani be bada. Turadia oi abia hidi neganai sibona oi nanadaia: ‘Lau idia hagoadaia egu abidadama Iehova dekenai ia goada totona, a? Lau idia durua Dirava ena taravatu lau badinaia totona, a? Iehova bona Baibel ena hereva momokani idia ura herevalaia, a? Dirava ena taravatu idia matauraia, a? Lau idia durua totona sisiba idia henia, a?’ (Aon. 27:5, 6, 17) Bema Iehova idia lalokau henia lasi, oi tura henidia lasi. To bema emu turadia be Iehova idia lalokau henia taudia, hanaihanai oi do idia durua.—Aon. 13:20.
Hakaua Hereva Namodia
w06 9/15 19 par. 12
Aonega Herevadia Bukana Ena Hereva Badadia
27:21. Lahi ese golo bona siliva ena namo ia tohoa hegeregerena, haida ese ita dekenai hanamoa herevana idia gwauraia neganai, iseda kara amo ita hahedinaraia ita be edena bamona taudia. Bema unai hanamoa herevana dainai, ita laloparara Iehova be ita dekenai hahenamo momo ia henia, bona unai ese ita ia hagoadaia Iehova ita hesiai henia noho totona, ita be manau taudia. To, bema ita laloa ita be ma haida ita hereaia, unai be hekokoroku karana.
AUGUST 25-31
BAIBEL ENA HEREVA BADADIA AONEGA HEREVADIA 28
Kara Dika Tauna Bona Kara Maoromaoro Tauna Edia Idau
Gau Ibounai Dekenai Iehova Oi Badinaia, A?
“KARA maoromaoro taudia be ia gari lasi laiona matamatana ta bamona.” (Aonega Herevadia 28:1) Idia abidadama, Dirava ena Hereva dekenai idia tabekau, bona herevana dahaka dika ia mai, gari lasi dekenai Iehova ena hesiai gaukara idia karaia.
it-2-E 1139 par. 3
Laloparara
Laloparara ena Badina idia dadaraia taudia. Kara dika ia karaia tauna be ena abia hidi bona palani lalonai, Dirava ia laloa bada lasi. (Iob 34:27) Kerere tauna ena lalona ese ia koia ena kerere ia itaia lasi totona bona aonega karana ia hahedinarai lasi. (Sal 36:1-4) Ena be ia gwau Dirava ia tomadiho henia, to taunimanima edia hahediba herevadia ia ura henia bona ia abia dae. Ia be Dirava ena taravatu ia dadaraia. (Isa 29:13, 14) Bona ena kara mirodia dainai ekskius herevadia ia gwauraia bona ia gwau unai be “gadara” sibona (Ao 10:23) bona ena kara be kerere momokani, ia dagedage, ena lalohadai be kavakava dainai ia laloa Dirava be ia matakepulu bona ena kara dikadia eiava ena kerere ia itaia lasi. (Sal 94:4-10; Isa 29:15, 16; Ier 10:21) Ena mauri bona kara amo ia hahedinaraia, “Iehova be ia noho lasi” (Sal 14:1-3) bona Dirava ia laloa bada lasi. Dirava ena hakaua herevadia ia badinaia lasi dainai, ia hegeregere lasi gau ta ia hamaoromaoroa totona, ia laloa namonamo lasi, ia auka idia vara gaudia ia lalopararalaia bona abia hidi maorona ia karaia totona.—Ao 28:5.
it-1-E 1211 par. 4
Badinaia Karana
Ta be ia hegeregere lasi sibona ena goada amo badinaia karana ia hahedinaraia totona. To bema Iehova bona ena hahemauri dalana ia abidadama henia neganai, badinaia karana ia hahedinaraia diba. (Sal 25:21) Dirava ena gwauhamata be ia idia badinaia taudia do ia “gimaia” bona edia “kesi” bamona ai do ia lao. (Ao 2:6-8; 10:29; Sal 41:12) Iehova ena lalonamo abia karana idia laloa bada dainai, edia mauri be namo bona edia tahua gaudia idia hagugurua diba. (Sal 26:1-3; Ao 11:5; 28:18) Iobu be mai lalohisihisi ida ia gwau, dika tauna ena lohia dalana dainai, kerere lasi taudia idia hisihisi bona kara dika taudia ida idia mase. To, Iehova ia gwau kerere lasi tauna ena mauri ia diba bona ia gwauhamata ena ahuna do ia abia, vaira negai maino ai do ia noho, bona gau namodia do ia moalelaia. (Iob 9:20-22; Sal 37:18, 19, 37; 84:11; Ao 28:10) Iobu ena sivarai amo ita dibaia gauna be, badinaia karana ia hahedinaraia tauna be mai ena kohu momo tauna ia hereaia, bona haida ese ia do idia laloa bada bona matauraia. (Ao 19:1; 28:6) Tama sina be unai bamona taudia neganai, natudia be hahenamo badana idia abia unai (Ao 20:7), edia tamana ena haheitalai namona dainai taunimanima ese ena ladana idia matauraia, bona natudia be unai idia moalelaia diba.
Hakaua Hereva Namodia
Lauma Dalanai Kudou Gorerena Oi Reaia Diba
Idia laloa edia kudouna ia goada momokani. Kudou gorerena idia abia taudia momo be guna idia diba momokani edia tauanina ia goada dainai kudou gorerena do idia abia lasi. Nega momo, idia laloa doketa dekenai idia lao edia tauanina ena namo ia sekea totona be herevana bona idia hevasehalaia, idia laloa unai be anina lasi. Unai hegeregerena, reana haida idia laloa nega sisina daudau idia be Keristani taudia dainai, idia dekenai gau dikana ta do ia vara lasi. Reana lauma dalanai ma ta ese idia ia sekea karana idia dadaraia eiava sibodia idia sekea lasi, ela bona dika bada ia vara. Ta ia laloa ia goada momokani karana dekenai aposetolo Paulo ena sisiba namona ita laloa be namo: “Tau ta bema ia laloa ia gini goada, namona be ia naria namonamo, do ia moru garina.” Aonega dalana be inai: Namona be ita laloaboio lasi ita be goevadae lasi taudia, bona hanaihanai lauma dalanai sibona eda namo ita sekea.—1 Korinto 10:12; Aonega Herevadia 28:14.