Aigupito Idia Rakatania Negana amo ela Bona Israela Ena King Ginigunana

Mose ese Israela taudia be Aigupito ena hesiai gaukara amo ia hakaua lao Sinai Ororona dekenai, unuseniai Dirava ese ena taravatu ia henidia. Gabeai, Mose ese tatau 12 ia siaia Kanana tanona idia itaia totona. To 10 idia giroa neganai idia ese sivarai dikana idia gwauraia. Edia hereva dainai, taunimanima idia ura Aigupito dekenai idia giroa. Edia abidadama be lasi dainai, Dirava ese Israela taudia ia panisia dalana be lagani 40 lalonai taunimanima idia noho lasi gabuna dekenai idia loa kava.

Dokonai, Dirava ese Iosua ia abia hidi Israela taudia be Kanana tanona dekenai ia hakaudia lao totona. Unai tano idia abia totona, Iehova ese hoa karadia ia karaia. Ioridane Sinavaina ena ranu ia koua, Ieriko ena magu ia hamorua, bona dina tamona lalonai dina be ia diho lasi. Lagani 6 murinai, Kanana taudia edia tano idia abia.

Iosua ena nega amo diadi taudia ese lagani 356 lalonai Israela idia lohiaia. Idia momo, hegeregere Baraki, Gideona, Iepeta, Samson bona Samuela edia sivarai ita diba. Hahine haida hegeregere Rahaba, Debora, Iaele, Ruta, Naomi, bona Delila edia sivarai ita duahia danu. Inai KAHANA 3 ai lagani 396 lalonai idia vara gaudia edia sivarai do ita herevalaia.