KAHANA 14

Dirava Ena Turadia ese Kara Dika Idia Dadaraia

Satani ese taunimanima ia veria kara dika idia karaia totona. Dirava ia ura tura henia tauna ese Iehova ia inai henia gaudia ia inai henia be namo. (Salamo 97:10) Dirava ena turadia ese idia dadaraia gaudia haida be inai:

Things that Jehovah hates include sexual sins, drunkenness, abortion, thievery, lying, uncontrolled anger, and gambling

Heudahanai kara dikadia. “Oi heudahanai lasi.” (Esodo 20:14) Idia do headava lasi taudia idia mahuta hebou karana danu be kerere.—1 Korinto 6:18.

Kekero. “Kekero taudia . . . ta lasi be Dirava ena Basileia do ia davaria diba.”—1 Korinto 6:10.

Ala-ala, Bogana lalonai natuna hamasea karana. “Taunimanima oi alaia lasi.”—Esodo 20:13.

Henaohenao. “Oi henaoa lasi.”—Esodo 20:15.

Koikoi. Iehova ese “uduna mai ena koikoi” ia inai henia.—Aonega Herevadia 6:17.

Dagedage bona Badu biagua lasi karana. “[Iehova] ese dagedage ia ura henia tauna ia inai henia momokani.” (Salamo 11:5, NW ) “Tauanina ena kara [ta] be . . . badu.”—Galatia 5:19, 20.

Laki gadara. “Mataganigani tauna . . . danu do umui turana karaia lasi.”—1 Korinto 5:11.

Tano bona Bese ma ta taudia inai henia karana. “Umui dekenai idia badu henia taudia do umui lalokau henia, bona umui dekenai idia dagedage henia taudia dainai do umui guriguri.”—Mataio 5:43, 44.

Dirava ese ita ia hamaoroa gaudia ibounai be iseda namo totona. Kara dika dadaraia be mai ena hekwarahi. Iehova bona ena Witnes taudia edia heduru amo, Dirava idia habadua karadia do oi dadaraia diba.—Isaia 48:17; Filipi 4:13; Heberu 10:24, 25.