Dirava Ita Hamoalea Totona, Dahaka Ita Karaia be Namo?

Kara dikadia ita dadaraia. 1 Korinto 6:9, 10

Bema Iehova ita lalokau henia, vadaeni Ia ese ia ura henia lasi karadia do ita dadaraia.

Iehova ia ura lasi ita henaohenao, ita kekero, o drag ita gaukaralaia kerere.

Dirava ia ura lasi ita ala-ala, bogana lalonai natuna ita hamasea, geligeli taudia edia matabodaga karadia ita karaia, ita mataganigani o ita heatu.

Kaivakuku ita tomadiho henidia lasi o meamea karadia ita karaia lasi.

Tanobada Paradaisona lalonai, kara dika taudia do idia noho lasi.

Kara namodia ita karaia. Mataio 7:12

Dirava ita hamoalea totona, ena kara ita tohotohoa be namo.

Ma haida ita lalokau henia dalana be, idia ita kara namo henia bona durua.

Ita koikoi lasi be namo.

Ita hebogahisi heheni bona dika ita gwauatao heheni.

Iehova bona ena taravatu be ma haida dekenai ita harorolaia.​—⁠Isaia 43:10.