Tomadiho Karadia bona Bible
“UMUI emui taravatu dekenai Dirava ena hereva umui hadikaia.” Iesu Keriso ena hereva unai. (Mareko 7:13) Hari inai negai idia noho taudia momo edia kara hegeregerena, Iuda taudia Iesu ena negai idia noho ese taravatu bona kastom idauidau be mai edia lalona ibounai ida idia badinaia. Bona hari inai negai idia noho tomadiho gunalaia taudia momo edia kara hegeregerena, edia tomadiho gunalaia taudia ese unai tomadiho karadia o sene karadia idia laloa bada, Bible idia laloa maragi.
Haheitalai ta be inai: Bible ena taravatu be, taunimanima ese edia tamadia sinadia do idia matauraidia. (Esodo 20:12) Bema moni dekenai idia dabu momokani, namona be idia durudia. To, Iuda taudia edia sene taravatuna dainai, unai Bible taravatuna idia negea diba. Sibona ena namo ia tahua tauna be inai bamona ia gwauhamata diba: Sibona ena kohu be gabeai dubu dekenai do ia henia, ia gwauraia “kobana.” Inai hereva ena anina be “harihari gauna, Dirava dekenai ia gwauhamatalaia vadaeni.” Ena be unai “kobana” gauna amo sibona ia durua diba, to ena tamana bona sinana ia durulaidia lasi neganai, ia gwau ia kerere lasi.—Mareko 7:9-12, NW.
To, Iesu ese unai kara bona Iuda ‘tomadiho karadia helagadia’ ma haida ia abia dae lasi; ia gwau: “Umui koikoi taudia e, momokani Isaia ese umui ia herevalaia, ia gwau, ‘Inai bese taudia edia uduna sibona idia hanamoa lau, to edia lalona be daudau masemase. Idia tomadiho lau dekenai, to anina lasi. Idia edia hadibaia hereva be taunimanima edia taravatu mo.’ ”—Mataio 15:3-9.
Iesu ena hereva dainai, Keristen tauna ia gwau diba lasi sene taravatudia be Bible ena hereva ida idia hegeregere, ani? Herevana taunimanima ese unai kastom ta idia laloa bada, to namona be Keristen tauna ia laloa, unai kara be Dirava ena Hereva hegeregerena eiava lasi. Tomadiho karadia haida, María A. Lombillo Clark, T.D. ese Katolik bukana ta ladana Liturgy—An Elementary Course lalonai ia torelaia karadia, be mani oi laloa. Unai kara be Bible ena hereva ida ita hahegeregerea diba a?
[Box]
TOMADIHO DALANA DIRAVA ENA HEREVA
“Tomadiho karadia amo “Lauegu natuna e, do umui naria namonamo,
Dirava ita tomadiho henia.” dirava koikoidia garina.”—1 Ioane 5:21.
“Dirava be Lauma, bona do idia tomadiho henia
taudia ese lauma bona momokani dekena
amo do idia tomadiho henia.”—Ioane 4:24.
“Ita be abidadama amo ita raka,
matana amo lasi.”—2 Korinto 5:7, N.W.
“Lau be Iehova. Lauegu ladana be inai.
Lauegu hairai be ta do lau henia lasi,
bona lau idia hanamoa herevadia be idia
koroa kaivakukudia do lau henidia lasi
danu.”—Isaia 42:8.
“Namona be Maria bona aneru bona “Laulau ta do oi karaia lasi, guriguri
helaga taudia ita tomadiho henidia. henia totona kaivakuku gauna ta,
To [unai] tomadiho karadia . . . o gau ta ena laulau, guba gauna ta,
amo Dirava ita tomadiho henia, o tanobada gauna ta . . . Laulau o
hegeregere pavapava ta ena minista kaivakuku ta do oi tomadiho henia lasi,
taudia idia hanamodia neganai, bona oi hesiai henia lasi.”—Esodo 20:4, 5.
pavapava danu idia hanamoa unai.” “Lau Ioane ese . . . lau dekenai unai
gaudia ia hedinaraia aneruna ena aena
badinai lau tui diho, do lau tomadiho
henia totona. To lau dekenai ia hereva,
ia gwau, ‘Unai bamona do oi karaia lasi. . . .
Dirava sibona do oi tomadiho henia.’ ”
—Apokalupo 22:8, 9.
“Dirava be tamona, Dirava bona taunimanima
ia hakapudia tauna danu be tamona.
Unai tauna be Keriso Iesu.”—1 Timoteo
2:5.
“Namona be Korosi be dubu ena pata “Tanobada bona ena lalonai noho gaudia
dekenai ia noho; bema Korosi be lasi, ibounai ia karaia Diravana be guba bona
Boubou Karana Helagana idia karaia diba tanobada ena Lohiabada. Ia be taunimanima
lasi. Namona be inai gaudia danu idia edia imana dekenai idia karaia dubu
noho: pata ena dabua toi, kandolo udaia lalonai ia noho lasi.”—Kara 17:24.
gaudia rua, bona paraoa helagana.” “Matana idia itaia gaudia be ai laloa lasi,
to matana idia itaia lasi gaudia ai laloa.”
—2 Korinto 4:18.
“November 1 . . . be Helaga Taudia “Mase taudia ese Iehova idia hanamoa lasi,
Iboudiai edia Dina. Ia be mai edia moale regerege lasi gabuna dekenai idia diho
ida guba dekenai idia noho laumadia edia taudia danu.”—Salamo 115:17.
Dina Helagana, bona gabeai ia be iseda “Mase taudia be gau ta idia diba
dina ai do ia lao danu.” lasi.”—Kohelete 9:5.
“Unai mase taudia edia lauma durudia “Oi lao henia gabuna, mase taudia
totona, [Dubu Oreana] ese November 2 ai edia gabu, lalonai be gaukara ta lasi,
kara haida idia karaia, ‘idia mase lalohadai ta lasi, lalo-parara ta lasi,
vadaeni kamonai taudia lalodia lou’ totona. bona aonega ta lasi.”—Kohelete 9:10.
Unai dina dekenai fada taudia be nega toi “Tanobada tauna ena natuna danu oi abidadama
Mass idia karaia, unai lauma be pegatori henia lasi . . . ena tano dekenai ia giroa
ena hisihisi amo do idia ruhadia bena guba lou; unai dina dekenai ena lalohadai
dekenai do idia vareai haraga totona.” idia ore.”—Salamo 146:2-4.
“Pegatori herevana be sene tomadiho
herevadia latanai idia haginia, Buka Helaga
latanai lasi.”—New Catholic Encyclopedia,
Volume 11, rau 1034.
Tomadiho Karadia Dikadia amo Idia Siri
Tomadiho karadia momo be Dirava ese ia moalelaidia lasi, unai dainai taunimanima idia hadikadia. To aposetolo Paulo ia gwau: “Umui lau hanamoa badina be nega ibounai . . . umui lau henia hadibaia hereva umui badinaia noho.” (1 Korinto 11:2) Unai hadibaia hereva be Dirava ena Hereva, kara namodia idia gwauraia herevadia unai—taunimanima edia anina lasi tomadiho karadia idia gwauraia lasi. Keristen taudia ai idia lao neganai, “sene taudia edia anina lasi karadia” idia negea bona unai kara namodia idia karaia matamaia.—1 Petero 1:18.
Hari inai negai danu, namona be Dirava garina ia gari tauna ese tomadiho karadia ia tahudia namonamo; bema idia be Bible ena hereva hegeregerena lasi, namona be ia dadaraidia. Momokani, Dirava badinaia karana ese taunimanima idia havaraia tomadiho karadia ia hereaia momokani! To, Bible ia gwauraia lasi tomadiho karadia dadaraidia be auka. Unai do idia karaia totona, taunimanima momo ese lagani momo herea lalodiai idia karaia karadia idia rakatania. Tauhau ta Colombia ai ese tomadiho karadia ia goadalaidia momokani. Ia maragi negana amo ia ura dikadika Katolik fada tauna ta ai do ia lao. Nega momo ia be ena taihu ida idia gadara negadiai, fada taudia edia kara ia tohotohoa. Gabeai, sikuli ta dekenai diba ia tahua murinai, Katolik edia iunivesiti ta dekenai ia lao. Unuseniai tomadiho karadia idia hadibalaia goadagoada.
Dina ta ai, Iehova ena Witness taudia be iena ruma dekenai idia lao. Iena tamana bona sinana ese Witness tauna ena hereva idia koua. Ena be Witness tauna be hereva momo ia gwauraia lasi, to hari tauhau, tomadiho ia laloa momo tauna, ese ena hereva ia laloa bada. Gabeai dala ia karaia, ia be Witness tauna ida Bible do idia stadilaia hehuni totona. Ia gwau: “Lauegu ura badana be Bible ena hereva do lau dibaia, to unai do lau karaia neganai egu tomadiho do lau haidaua lasi. Lau ura dikadika fada dagina ai Dirava ena gaukara do lau karaia bona taunimanima do lau durudia toho, edia lalona do idia giroa totona. Hua tamona lalonai Bible lau stadilaia murinai lau lalo-hekwarahi bada, badina be egu dubu oreana ena tomadiho karadia be idau bona Bible ese ia gwauraia daladia goevadia be ma idia idau.”
Iena tamana bona sinana ese idia doria ena Bible stadi do ia hadokoa totona, bena gabeai edia ruma amo idia lulua. To ia gwau: “Hua rua lalodiai Bible lau stadilaia murinai lau diba momokani lau kerere bada herea. Iunivesiti lau rakatania bona lauegu hadibaia gaukarana tomadiho ena kolesi ta dekenai lau rakatania danu, bena ruma ta ruma ta dekenai lau haroro mai egu goada ibounai ida. Hari lauegu mauri dalana bona lauegu kastom lau haidaua vadaeni. Lau moale dikadika, lauegu gwauhamata Iehova dekenai be bapatiso amo lau hahedinaraia dinana ai.” Hari tauhau be dina iboudiai ia gaukara, taunimanima ia durudia, Dirava hadikaia tomadiho karadia amo do idia siri totona.
Bema oi be tomadiho karadia goadalaia tauna ta, reana oi danu do oi davaria emu kara haida oi haidaudia be namo. Iesu ena hereva mani oi laloa; ranu gurina dekenai Samaria hahinena ia hamaorolaia herevana unai. Nega daudau lalonai unai hahine ena bese taudia ese Dirava idia tomadiho henia Gerisim Ororona ai. To Iesu ese ia hamaoroa unai be anina lasi karana; ia gwau: “Lauegu hereva oi abia dae. Gabeai nega ta do ia mai, inai ororo dekenai bona Ierusalema dekenai danu taunimanima be do idia tomadiho henia lasi. . . . tomadiho taudia momokani ese mai Lauma bona mai momokani danu Tamana do idia tomadiho henia, badina be Tamana ese unai bamona idia tomadiho henia taudia ia tahua noho.”—Ioane 4:19-23.
‘Tamana ese oi ia tahua noho,’ a? Oi ura bada Dirava do oi tomadiho henia mai emu momokani ida, a? Bema oibe, namona be aposetolo Paulo ena sisiba herevana Kolose 2:8 ai oi badinaia: ia gwau: “Umui naria namonamo, tau ta ese taunimanima edia aonega hereva kava dekena amo umui ia koia garina. Inai bamona hereva be sene taudia edia kara.” Namona be Keristen tomadiho momokani ena hahediba herevadia oi badinaia, badina be mauri hanaihanai dekenai oi do idia hakaua lao!—Ioane 17:3.