Henanadai Mauana

◼ Bema buka bona magasin ita abia neganai kontribusen moni ita henia bona haroro gaukara lalonai ita abia kontribusen moni be Society ena tanobada ibounai gaukarana totona idia makaia mauadia lalonai ita atoa, anina be buka bona magasin totona kontribusen moni be nega rua ita henia, a?

Lasi. Society ena tanobada ibounai gaukarana totona idia makaia mauadia lalonai ita atoa kontribusen moni be buka bona magasin totona sibona lasi. Pablisa taudia bona haroro gaukara lalonai ita davaria kamonai taudia momokanidia idia abia buka bona magasin edia davana idia makaia lasi. Pablisa taudia ese edia kontribusen idia henia neganai, unai moni be brens opesi, Betele rumadia, misinari bona hesiai gaukara sikuli, misinari, loaloa naria taudia, buka siaia gabudia, bona Iesu ese ena hahediba taudia dekenai ia henia gaukarana hagugurua totona ita karaia gaudia idauidau totona. Buka bona magasin halasia gaukarana be unai gaukara ibounai ena kahana maragina sibona.

Unai dainai, haroro gaukara lalonai kamonai taudia ese kontribusen moni idia henia neganai, namo lasi ita gwau unai moni be “buka bona magasin totona.” Idia ita hadibaia hegeregerena, iseda buka bona magasin idia ura momokani idia duahia taudia ese unai idia abia diba, davana ita makaia lasi. Unai bamona taudia ese idia henia kontribusen moni be tanobada ibounai gaukarana totona ita gaukaralaia. Pablisa taudia ese idia henia kontribusen moni be unai bamona ita gaukaralaia danu.