Haroro Gaukara Neganai Dala Idauidau Gaukaralaia
1 Taunimanima edia aonega herevana ta ia gwau kara idauidau be mauri durua gauna. Nega momo, kara idauna karaia be lalona veria karana. Unai be ia maoro iseda hesiai gaukarana dekenai danu. Bema ita naria namonamo lasi, iseda ruma ta ruma ta gaukara dekenai hereva tamona do ita gwauraia loulou. Hamatamaia herevana tamona sibona ita kikilaia loulou neganai, ita bona ruma taudia do ita hesikulaia. Unai dainai, emu hesiai gaukara dekenai hereva idauidau oi gaukaralaia be namo. Edena bamona unai oi karaia diba?
2 Inai bamona sibona oi hereva lasi, ‘Daba namona. Dekena taudia ai vadivadi henidia Basileia ena sivarai namonai ai kikilaia totona,’ to namona be hamatamaia hereva idauidau oi hegaegaelaidia, ani? Reasoning buka lalonai hamatamaia hereva idauidau momo idia noho ita idia durua totona. Rau 9-15 ai, sivarai idauidau 18 edia hamatamaia herevadia idia torea. Bona sivarai ta ta kahirakahira iboudiai totona, hamatamaia hereva be rua eiava toi.
3 Bema oi be “Dirava ese Ita Ia Laloa Eiava?” buklet oi gaukaralaia, “Reasoning” buka ena rau 13 ai, “Life/Happiness” henunai inai hamatamaia herevana ese oi ia durua diba:
◼ “Hari, taunimanima ida mauri ia dika ia lao sivaraina ai kikilaia, . . . idia momo idia lalo-hekwarahi, idia gwau, Mauri mai moalena ita abia diba, a?” Inai buklet be hagoadaia bona lalona veria sivaraina ia kikilaia. Buklet oi kehoa rau 25 dekenai, bona paragraf 15 bona 16 edia hereva badadia haida oi duahidia.
4 Basileia pablisa haida—memero kekeni, karaia matamaia taudia, lagani bada taudia danu—idia davaria ruma ta ruma ta gaukara dekenai pepapepa gaukaralaidia be dala namona taunimanima idia hereva henidia totona.
Pablisa merona eiava kekenina ta be “Emu Famili Oi Moalelaia” pepapepana ia gaukaralaia neganai, inai bamona ia hereva diba:
◼ “Dirava ese ruma bese taudia dekenai lalo-tamona bona moale ia henidia diba dalana ena sivarai maragina oi dekenai lau mailaia. Lau ura inai pepapepa, ladana Emu Famili Oi Moalelaia oi abia.” Ia ida ia gaukara hebou lagani bada pablisa tauna bema ia laloa ia namo, ruma tauna dekenai hereva ma haida do ia kikilaia diba.
5 Bema ruma tauna ia ura kamonai, lagani bada pablisa tauna be inai bamona ia hereva diba:
◼ “Baibel lalonai hadibaia hereva ia noho ruma bese ena tau, hahine, bona natudia edia kara idia maoromaoro totona. Dirava ese ruma bese ia havaraia dainai, ia be hegeregere momokani ruma bese ia namo dalana ia herevalaia totona, ani? Lau ura oi be Baibel ena sisiba ruma bese taudia dekenai oi kamonai.” Bena Efeso 5:22, 23, 28-31 ia duahia.
6 Bema oi be Mauri Hanaihanai bukana oi gaukaralaia, reana Apokalupo 21:3, 4 ena hagoadaia herevana dina vairadiai totona do oi kikilaia be namo, ani? Bena murinai unai buka ena rau 155 dekenai paragraf 3 oi duahia. Ruma tauna oi henanadai henia, ia laloa Dirava be unai gwauhamata herevana do ia hagugurua eiava lasi. Idia guguru vadaeni Baibel ena peroveta herevadia be nega sisina lalonai oi kikilaia neganai, ruma tauna do ia diba Dirava be tanobada besedia do ia hanamodia diba.
7 Basileia harorolaia pablisa taudia iboudiai idia ura idia heduru tiokratik gaukara idia habadaia totona, idia ura hereva momokani uhena idia hadodia, bona idia ura kamonai taudia idia naridia. Bema unai bamona ita karaia, dina vairadia Iehova ese gaukara do ia hatubua. Dekena taudia dekenai ita laohaia herevana be sivarai namona momokani. Bema hanaihanai ita hegaegae, Basileia ena sivarai be dala idauidau ai ita kikilaia diba bona iseda buka bona magasin be dala namonai ita henia toho diba.