Buka Gunadia Gaukaralaia Namonamo
1 Iehova ese mai digara lauma aniani momo ita ia henia. Nega momo unai aniani be guna idia halasia rau 192 buka dekediai. January lalonai ita ese Hadibaia Tauna Badana Ita Kamonai Henia, Maino bona Noho Namona—Daika Amo Ia Mai?, Mauri ia lao henia Hereva Momokanina, bona Memero Kekeni—Moale Umui Davaria Dalana bukadia do ita hariharilaia. Mai ena toana namodia buka haida be ruma dekenai idia noho, a? Kongregesen lalonai haida idia noho, a? Bema idia noho, namona be oi duahia bona idia amo haroro hereva haida oi abia hidi gaukaralaia totona.
2 Bema “Mauri ia lao henia Hereva Momokanina” buka oi gaukaralaia, reana inai hamatamaia herevana oi henia diba:
◼ “Kahirakahira lagani 2,000 lalodiai, Keristen taudia be Dirava ena Basileia ia mai idia gurigurilaia. Oi laloa unai Basileia ese dahaka do ia karaia taunimanima totona? [Haere oi naria. Lao rau 102-7, bona Basileia henunai do ita abia hahenamodia idauidau hahedinaraia.] Inai buka ese Basileia do ia karaia gaudia bona Baibel ena hadibaia herevadia badadia ia kikilaia. Bema oi ura duahia, buka ta lau rakatania diba, ena davana be 25 toea sibona.”
3 “Memero Kekeni—Moale Umui Davaria Dalana” buka herevalaia dalana ta be inai:
◼ “Matamata taudia momo be inai tanobada ena hekwakwanai momo dainai moale idia davaria lasi. Hari iseda nega dikana lalonai oi laloa ita moale diba, a? [Haere oi naria. Oi lao rau 2 ai bona edita taudia edia hereva oi duahia.] Baibel ese hekwakwanai hanaia dalana bona gabeai tanobada matamata lalonai maino bona moale korikori do ita abia ia hahedinaraia. [Lao rau 190 ai, bona Isaia 25:6, 8 oi duahia.] Hari bona nega vairai, matamata taudia be moale hereadaena idia davaria totona, Baibel ese sisiba ia gwauraia. Inai buka ese unai sisiba ia kikilaia bona edena dala ai unai sisiba oi badinaia diba ia hahedinaraia. Ena davana be 25 toea bema oi ura ta oi abia.”
4 “Maino bona Noho Namona—Daika Amo Ia Mai?” buka oi gaukaralaia neganai, reana oi ura inai bamona hereva oi tohoa:
◼ “Taunimanima iboudiai idia ura maino bona noho namo tanobadana dekenai idia noho. To madi, iseda mauri ena nega lalonai unai bamona tanobada ia noho lasi. Dahaka oi laloa ita karaia diba unai maino bona noho namona idia vara momokani totona? [Haere oi naria.] Dirava be mai ena siahu maino do ia havaraia tanobada dekenai, bona ia gwauhamata vadaeni do ia karaia.” Oi lao rau 4 ena laulau ai, bena Mika 4:3, 4 duahia. Basileia helaro ma haida hedinaraia, buka hariharilaia, bona lou henia negana hegaegaelaia.
5 Reana “Dirava ese Ita Ia Laloa Eiava?” buklet do oi abia hidi. Inai bamona oi hereva diba:
◼ “Taunimanima momo idia daradara dahaka dainai Dirava ese kara dika ia koua lasi. Badina ia be siahu ibounai Diravana, dahaka dainai gau ta ia karaia lasi iseda hisihisi haorea totona. Oiemu lalohadai be edena bamona? [Haere oi naria.] Baibel ese ita ia hagoadaia Dirava ese ita ia rakatania lasi.” Lao rau 27, paragraf 22 ai, bona Salamo 37:11, 29 duahia. Iseda lalona ia hamoalea laulauna oi hahedinaraia bona dahaka do ita itaia oi kikilaia. Buklet idia abia taudia oi hamaoroa do oi giroa mai bona buklet amo Baibel stadilaia dalana do oi hahedinaraia.
6 Iseda duahiduahi gaudia ese taunimanima tausen momo idia hagoadaia Baibel idia stadilaia. Idia dibaia gaudia be nega vairai totona helaro namona ia henidia. (Sal. 146:5) Kamonai taudia ita durua be iseda hahenamo badana.
This article is partially repeated in km 1/96.