Momo Ia Hasiahua Lalo-Goada Karana

Aposetolo Paulo ese Korinto taudia ia hanamoa badina kara namodia karaia totona lalo-goada idia hahedinaraia karana ese taunimanima ia hasiahua. (2 Kor. 9:​2, NW ) Nega momo, tau ta, ruma bese ta, buka stadi grup ta, eiava kongregesen ibounai be mai edia lalo-goada ida sivarai namona idia harorolaia karana ese unai bamona anina idia havaraia diba. Haroro gaukara totona lalo-goada oi hahedinaraia daladia haida be inai.

◼ Saturday ibounai oi atoa Magasin gaukara totona.

◼ Sunday ibounai ai haroro gaukara haida oi karaia.

◼ Adorahi ai idia karaia haroro gaukara oi durua toho.

◼ Idia hegaegaelaia nega idaudia ai haroro gaukara oi karaia.

◼ Emu laga-ani negana gaukara eiava sikuli amo oi gaukaralaia haroro gaukara oi karaia totona.

◼ Sekit naria tauna ena vadivadi negana lalonai haroro gaukara oi durua.

◼ Lagani lalonai hua ta eiava haida lalonai heduru painia gaukarana oi karaia.

◼ Bema hegeregere, emu noho dalana oi haidaua, regula painia gaukara oi karaia totona.

Lagani 2000 Yearbook of Jehovah’s Witnesses, rau 17-19 itaia.