Iseda Ura Gauna be Dahaka?
1 Dahaka dainai Baibel stadi ita karaia? Taunimanima do ita hadibadia sibona, edia mauri dalana do ita hanamoa, eiava edia lalohadai vaira negana totona ita hadiaria, a? Lasi. Iseda ura gauna badana be Iesu Keriso ena hahediba taudia ai ita halaodia! (Mat. 28:19; Kara 14:21) Unai dainai, ita stadi henidia taudia ese kongregesen idia bamoa be namo. Keristani orea laloabada karana ese stadi taudia ia durua lauma dalanai do idia tubu totona.
2 Do Ita Havaraia Dalana: Matamana amo, stiuden tauna be nega ibounai oi hagoadaia, kongregesen heboudia ia lao henia totona. (Heb. 10:24, 25) Unai kara ese ena abidadama do ia hagoadaia, Dirava ena ura ia karaia lalonai do ia durua, bona idia ura Iehova idia hanamoa taudia ma haida edia hebamo namona do ia abia oi herevalaia. (Sal. 27:13; 32:8; 35:18) Bema oi ese kongregesen heboudia bona taudia dekenai lalokau bona laloabada karana oi hahedinaraia unai ese ena kongregesen heboudia lao henia urana do ia hagoadaia.
3 Namona be stadi matamata taudia idia lalo-parara Iehova ena orea be tanobada ibounai tadikaka oreana ta. Bema mai dalana, idia dekenai vidio edia ladana Jehovah’s Witnesses—The Organization Behind the Name bona Our Whole Association of Brothers oi hahedinaraia. Namona be idia oi durua bena idia lalo-parara Iehova be tanobada ibounai lalonai idia gwauhamata Keristani taudia milioni momo ia gaukaralaia iena ura idia hagugurua totona. Unai kamonai matamata taudia oi hadibadia idia danu be idia boiria Dirava idia hesiai henia totona.—Isa. 2:2, 3.
4 Bema Baibel stiuden tauna ta ita itaia Iesu ena hahediba tauna korikorina ta ai ia lao neganai, unai be moale bada gauna ta. Unai be iseda ura gauna!—3 Ioa. 4.