Haroro Gaukara Lalonai Ta Ta Ita Hagoadaia Heheni
1 Ta ese ita ia hagoadaia neganai ita moale. (Aon. 25:11) Haroro gaukara ai ma ta ida ita gaukara hebou neganai, edena dala ai ia ita hagoadaia diba?
2 Hagoadaia Herevadia: Haroro gaukara ai iseda tadikaka taihu ida ita herevahereva neganai, namona be ita herevalaia gaudia ese ita idia durua Dirava ita tura henia noho totona! (Sal. 37:30) Hegeregere, haroro ena hamatamaia herevana o haroro ena ekspiriens namodia ita kikilaia. (Kara 15:3) Bema Baibel, magasin matamatadia, o kongrigeisen heboudia ai point ta ita duahia o kamonai, ita ura ma haida dekenai ita herevalaia, a? Eiava Kingdom Hall ai idia henia pablik tok ena point haida ita herevalaia be namo.
3 Ita lalohisihisi bema ruma tauna ta be henanadai ta ia henia bona ita haerelaia namonamo lasi. Unai dainai ruma tauna ita rakatania neganai, namona be ita ia bamoa pablisa ida unai bamona hekwakwanai hanaia dalana ita herevalaia, reana Herevalaia bukana ita gaukaralaia diba. Bona ita ia bamoa pablisa edia haroro herevana dainai ita hanamoa o tanikiu henia neganai, unai ese idia do ia hagoadaia.
4 Kara ta Ita Karaia: Eda buka stadi grup taudia haida ida ita do gaukara hebou lasi, a? Namona be idia ita noia haroro gaukara ai ita gaukara hebou totona, unai amo edia lalona do ita “hagoadaia.” (Roma 1:12, BHğ) Gabu haida ai haroro taudia be momo lasi dainai, bema daba eiava adorahi ai tadikaka bona taihu haida be haroro gaukara idia durua, regula bona heduru painia taudia idia moale bada. Painia taudia ita durua totona, idia ida ita haroro hebou be namo. Pablisa ta be ia gorere dainai haroro gaukara ia habadaia be auka, a? Bema dala ita karaia unai bamona taudia ida ita gaukara hebou o Baibel stadi ita itaia hebou totona, unai ese idia do ia hagoadaia momokani.—Aon. 27:17.
5 Hanaihanai haida ese ita karaia gau maragidia o badadia dainai ita idia hanamoa o tanikiu henia neganai ita moale. Unai dainai, haroro gaukara lalonai ma haida ita bamoa neganai, ita ura ta ta ita “hagoadaia” heheni.—1 Tes. 5:11, NW.