Hesiai Hebou Ena Sediual

March 10 Purana

Ane 131

10 min: Kongrigeisen ena hadibaia herevadia. Rau 6 ai idia noho Magasin Herevalaia Daladia eiava emu teritori ai oi gaukaralaia diba hamatamaia hereva ma haida amo February 1 Watchtower, February Awake! bona Memorial ena boiboi pepadia hariharilaia dalana haheitalaia.

20 min: Iseda Hebou Totona Hemataurai Hahedinaraia. Hereva henia bona helai taudia ida November 1, 2006, Gima Kohorona, rau 29-​31 kikilaia. Helai taudia oi nanadaia: Edena dala ai kongrigeisen heboudia lao henia karana be idia ia durua? Edena dala ai hekwakwanai idia hanaia, hebou dekenai idia lao hanaihanai totona?

15 min: “Iehova Dekenai Gau ta Ita Henia Diba.”a Elda ta ese do ia karaia. Bema nega ia hegeregere, helai taudia oi noia paragraf ai idia gwauraia siridia idia herevalaia totona. Paragraf 4 umui herevalaia murinai, oi hahedinaraia ia be kongrigeisen ena maduna kontribusen idia henia totona, unai amo Kingdom Hall idia gaukaralaia bona hanamoa totona. (Bema kongrigeisen be hua ta ta ai Kingdom Hall ena abiatorehai o idia makaia kontribusen idia henia noho, vadaeni oi hahedinaraia hida idia henia noho be namo.) Unai bamona heduru amo ita hahedinaraia, ita tanikiu badina ita be mai eda Kingdom Hall bona kontribusen henia karana ena moale be bada.​—Kara 20:35.

Ane 8

March 17 Purana

Ane 144

10 min: Kongrigeisen ena hadibaia herevadia. Helai taudia hadibaia, Hesiai Hebou ena March 24 purana ai March 1 Watchtower bona March Awake! idia mailaia, bona teritori ai umui gaukaralaia diba hamatamaia herevadia haida idia hegaegaelaia, Hesiai Hebou ai umui herevalaia hebou totona. Iseda Basileia Gaukara amo Hadibaia Herevadia abia hidi.

15 min: Henanadai Mauana. Elda ta ese ia karaia. Duahia bona herevalaia. Oi gwau, hanaihanai buka stadi grup ena namba ia maragi be gau badana, to nega momo badina ma haida dainai buka stadi grup edia namba be idia bada. Bema nega ia hegeregere, Iehova Ena Ura Ia Karaia Orea bukana, rau 69-​72 ena point haida kikilaia. Danu, Orea bukana ena rau 120, paragraf 1 duahia.

20 min: “Memorial Dekenai Idia Mai Taudia Ita Durua Daladia.”b Paragraf 5 umui herevalaia murinai, Memorial dekenai ia mai vadivadi tauna dekenai Baibel stadi hamatamaia dala kwadogina ta haheitalaia.

Ane 214

March 24 Purana

Ane 111

10 min: Kongrigeisen ena hadibaia herevadia. Akaun ripoti duahia bona kontribusen dainai hanamoa hereva gwauraia.

15 min: Ita Hegaegae Magasin Matamatadia Ita Hariharilaia Totona. Helai taudia ida March 1 Watchtower bona March Awake! herevalaia. Helai taudia oi nanadaia edena kahana magasin ai be teritori ai idia noho taudia do ia durua bona dahaka dainai. Helai taudia oi noia idia ura gaukaralaia magasin ena point haida idia kikilaia totona. Edena henanadai amo haroro herevana idia hamatamaia diba? Magasin ai edena siri idia duahia hedinarai diba? Helai taudia ese idia gwauraia dalana ta amo March 1 Watchtower bona March Awake! hariharilaia dalana haheitalaia.

20 min: Sivarai Namona Ai Mailaia Noho. Elda ta be July 1, 2005, Gima Kohorona, rau 23-​5, paragraf 10-​14 amo tok ia henia, bona ena hamatamaia herevana be miniti ta ia hanaia lasi be namo. Helai taudia oi nanadaia edena dala ai nega ginigunana Basileia sivaraina idia kamonai neganai, unai ese idia ia hagoadaia bada.

Ane 29

March 31 Purana

Ane 37

10 min: Kongrigeisen ena hadibaia herevadia. Pablisa taudia hadibaia March ena haroro ripoti idia henia totona. “Hakaua Oreana amo Ia Mai Revarevana” kikilaia.

20 min: Heduru Idia Henia Daladia amo Namo Ita Abia. Elda ta ese do ia henia, bona medikol dalana ta abia hidi totona heduru idia henia gaudia, hegeregere Advance Medical Directive/Release kadi bona July 1 2004 bona October 15, 2000, Gima Kohorona dekenai “Duahia Taudia Edia Henanadai” herevalaia. Brens opesi ese Advance Medical Directive/Release bona Identity kadi haida be kongrigeisen ta ta ibounai dekenai ia siaia. Edia kadi ia dika o ia boio tadikaka taihu bona bapatiso taudia matamatadia be hari hebou murinai, kadi ta idia abia diba. Bema emu kadi gunana ia do dika lasi, mani kadi matamata oi abia lasi. Bema namo Kongrigeisen Buka Stadi gabena ai, namona be kadi ibounai idia sainia, witnes idia saini bona deit idia torea. Namona be buka stadi naria taudia idia itaia edia grup dekenai idia noho bapatiso taudia ibounai ese Advance Medical Directive/Release kadi idia hahonua, bona idia ura heduru taudia idia abia taudia idia durua namonamo. Kadi ia sainia lalonai, gau badana be witnes ese unai idia itaia. Hari hebou murinai, bapatiso tama sina ese natudia edia Identity kadi idia abia diba. Bema emui natudia edia kadi gunana idia do dika lasi, mani kadi matamata umui abia lasi. Bapatiso lasi pablisa be idia sibona o natudia edia kadi (Advance Medical Directive/Release kadi bona Identity Card hegeregerena) idia torea diba, edia noho dalana bona idia abia dae gaudia hegeregerena. Oi hahedinaraia, Baibel amo ta ese ia hadibaia lalomamina hegeregerena medikol dalana ta ia abia hidi guna be aonega karana. (Aon. 14:15; 27:12) Ita abia dae medikol daladia bona muramuradia be doketa ida ita herevalaia namonamo guna be gau badana. (Hereva henia tauna ese July 1, 2004, Gima Kohorona, rau 17 ena maua, bona October 15, 2000 Gima Kohorona, rau 30 ena par. 3 bona rau 31 ena maua be helai taudia dekenai ia duahia.) Nega ibounai orea ese idia halasia Gima Kohorona ita stadilaia be namo, unai amo medikol dalana maorona ita abia hidi diba. Elda taudia be mai moale ida ita idia durua diba, to idia ese ma haida edia abia hidi do idia karaia lasi.

15 min: “Haroro Gaukara Lalonai Ta Ta Ita Hagoadaia Heheni.”c

Ane 122

April 7 Purana

Ane 186

10 min: Kongrigeisen ena hadibaia herevadia.

20 min: Oi Bapatiso be Namo Ena Badina. Elda ta be July 1, 2006, Gima Kohorona, rau 29-​30, paragraf 14-​17 amo tok ia henia, bona ena hamatamaia herevana be miniti ta ia hanaia lasi be namo. Pablisa ta o rua inteviu henia​—idia bapatiso neganai, edia mauri lagani be 13 ia lao 19 huanai. Dahaka dainai idia matamata neganai bapatiso idia abia? Edena dala ai bapatiso karana be idia ia gimaia bona durua lo Keristani taudia ai idia lao totona?

15 min: Maoromaoro Taunimanima Dekenai Baibel Stadi Oi Hamatamaia Toho, A? Hereva henia bona helai taudia ida January 2002 Iseda Basileia Gaukara lalonai idia udaia pepana, rau 8 kikilaia. Unuseniai hamatamaia herevadia oi kikilaia neganai, oi hahedinaraia edena dala ai unai hamatamaia herevadia ita haidaua bena Baibel Hadibaia buka amo Baibel stadi ta ita hamatamaia diba. Bena Baibel stadi hamatamaia dalana ta o rua haheitalaia. Helai taudia ibounai hagoadaia inai idia tohoa totona: Wiki ta ta ai maoromaoro taunimanima dekenai Baibel Hadibaia buka amo Baibel stadi ta idia hamatamaia toho.

Ane 225

[Footnotes]