“Ruma Tauna ese Ia Laloa Bada Gauna Ia Herevalaia Magasin Gunana O Buklet ta Oi Hariharilaia”

Baibel Hadibaia bukana ita hariharilaia bona vadivadi ginigunana ai stadi ita hamatamaia huadia ai, bema ruma tauna be unai buka ia abia vadaeni, to ia ura lasi ia stadi, namona be “ruma tauna ese ia laloa bada gauna ia herevalaia magasin gunana o buklet ta oi hariharilaia.” Dahaka dainai?

Magasin gunadia bona buklet ese nega korikori ai hereva idauidau idia hahedinaraia. Reana unai magasin o buklet lalonai ia noho hereva ta ese ruma tauna ena kudouna do ia hamarerea. Unai dainai, emu baege ai haroro gaudia oi udaia neganai, buklet idauidau bona magasin gunadia haida oi abia danu. Bema oi dekenai magasin gunadia idia noho lasi, reana magasin abia gabuna dekenai haida oi abia diba. Bema ruma tauna be Baibel Hadibaia bukana ia abia vadaeni, to ia ura lasi ia stadi, vadaeni magasin o buklet haida oi hahedinaraia bona oi noia ia ura henia magasin o buklet ia abia totona. Unai murinai, dala oi karaia oi lou henia, ena ura oi habadaia totona. Reana gabeai Baibel stadi do ia abia dae.