Medikol Heduru Totona Oi Hegaegae Vadaeni, A?

Aksiden o gorere be idia vara kava. (Iam. 4:14) Unai dainai, aonega tauna ia hegaegae namonamo be gau badana. (Aon. 22:3) Disisen oi karaia vadaeni, edena medikol heduru do oi abia, bona pepa ai unai oi torea, a? Inai DVD Transfusion-Alternatives​—Documentary Series ena kahana namba 2 Transfusion-Alternative Health Care​—Meeting Patient Needs and Rights, ese oi do ia durua. Unai DVD oi itaia neganai, henunai idia noho henanadai oi haerelaia. Opereisen haida be laulau lalonai do idia hedinarai dainai, tama sina be edia natudia danu unai vidio idia itaia neganai, aonega idia gaukaralaia be namo.

(1) Dahaka dainai doketa haida be rara henia hanai karana idia tahua lou? (2) Doketa ese idia karaia rara lasi opereisen badadia toi edia ladana oi gwauraia. (3) Dahaka dainai tanobada hegegemadai, doketa tausen idia ura gorere taudia dekenai rara lasi opereisen idia karaia? (4) Vanegai hospital ai tahua gaukaradia idia karaia neganai, rara gaukaralaia karana be edena bamona idia herevalaia? (5) Rara henia hanai karana ena dika idauidau be dahaka? (6) Diba bada taudia momo ese rara lasi opereisen idauidau edia namo be edena bamona idia herevalaia? (7) Dahaka ese anemia gorerena ia havaraia, bona edena dala ai idia halusia rarana idia habadaia lou diba? (8) Edena dala ai gorere tauna ena tauanina lalonai sel kakakakadia idia habadaia lou diba? (9) Opereisen lalonai, doketa be edena dala idia gaukaralaia rara bada herea idia halusia lasi totona? (10)  Natudia maragidia eiava dika bada idia davaria taudia ese rara lasi opereisen idia abia diba, a? (11) Doketa ese medikol heduru namona idia henia totona, idia badinaia hakaua hereva badana ta be dahaka?

Vidio lalonai idia hahedinaraia medikol heduru daladia be ta ta ena lalomamina hegeregerena do ia abia hidi. Unai dainai namo lasi oi naria ela bona aksiden o gorere ia vara neganai disisen oi karaia. “Dirava Ena Lalokau” bukana ena karoa 7 bona unai karoa ai idia noho referens bona July 1 2004, Gima Kohorona rau 9-14, 15-17 bona October 15 2000, Gima Kohorona rau 30-31 ese oi do ia durua disisen maorona oi karaia totona. Bema oi bapatiso vadaeni, Advance Medical Directive/Release kadi ai emu disisen oi torea, bona hanaihanai unai kadi oi abia loaloa.

[Blurb on page 5]

Disisen oi karaia vadaeni, edena medikol heduru do oi abia, bona pepa ai unai oi torea, a?