DVD Ladana “Have Love for the Whole Association of Brothers”
Baibel torea tauna ese unai sinado ena hereva be lagani 2,000 bamona gunanai ia torea. (1 Pet. 2:17) To hari inai negai unai hereva ita badinaia be mai anina bada! Edena bamona iseda tadikaka oreana ibounai ita lalokau henia diba? Inai heiriheiri tanobadana ai, edena dala ai ita hahedinaraia eda lalokau be ia keru? (Mat. 24:12) DVD ladana Our Whole Association of Brothers oi itaia, bena inai henanadai oi haerelaia diba:
(1) Edena negai iseda Keristani tadikaka oreana ena kahana ta ai ita lao? (2) Iseda tanobada ibounai tadikaka oreana ida dahaka gaukara toi ita karaia? (3) Iseda tadikaka ese edena dala ai idia hahedinaraia edia lalona idia hadaia do idia haroro goadagoada, herevana edia teritori be (a) Alaska ena gunika gabudia, (b) Europe ena bouti atoa gabudia badadia, bona (c) Peru ena uda badana? (4) Dahaka dainai ita laloa iseda haroro gaukara be mai anina bada? (5) Haheitalai haida amo oi hahedinaraia, edena dala ai Iehova ena Witnes taudia be idia hagoadaia heheni bona durua heheni (a) tano mareremarere murinai, (b) lai-gubana murinai, bona (c) tano taudia idia tuari heheni lalonai? (6) Edena dala namodia ai ita ese iseda Keristani tadikaka oreana ena toana badana ita hahedinaraia diba? (Ioa. 13:35) (7) Ita sibona eda Kingdom Hall haginia gaukara ai ita gaukara hebou ena namo be dahaka? (8) Eastern Europe bona Russia ai haroro gaukara idia taravatua neganai, edena dala ai iseda tadikaka be Iehova kahirakahira idia noho? (9) Edena dala ai eda tadikaka taihu momo idia hekwarahi hebouhebou badadia dekenai idia lao totona, bona dahaka dainai? (10) Edena dala ai vidio ese oi ia durua, (a) emu tadikaka ida mai lalotamona ida Keristani heboudia dekenai Iehova do umui tomadiho henia, (b) nega dikadia ai ma haida do oi durua, bona (c) nega ibounai bona dala ibounai do oi haroro? (11) Edena dala ai bona edena negai unai vidio be haroro gaukara ai oi gaukaralaia diba?
Iseda Keristani tadikaka oreana ena kahana ta ai ita lao ena badina badana be inai: Iehova ita lalokau henia. Unai dainai, ita ura dikadika Ia ita dibaia bona ena sivarai be ma haida dekenai ita harorolaia. Danu, Iehova ese ia lalokau henia taudia ita lalokau henia. Nega dikadia ai unai bamona taudia ita durua neganai, namo lasi ita gwau, ‘Dirava ese lau ia tanikiu henia be namo.’ To, Dirava ita tanikiu henia badina ita dekenai iseda Keristani tadikaka oreana be Dirava amo ia mai harihari gauna ta. Inai heiriheiri tanobadana ena dokona ia kahirakahira lalonai, namona be hanaihanai ita hahedinaraia ita be iseda tadikaka oreana ibounai ita lalokau henia!