Our Whole Association of Brothers Vidio
Inai lalokau lasi tanobadana ai, edena dala amo iseda Keristani tadikaka dekenai lalokau ita hahedinaraia badabada? (1 Pet. 2:17) Edena dala amo ma haida dekenai ita hahedinaraia, iseda tanobada ibounai tadikaka oreana be ia noho momokani? (Mat. 23:8) Vidio ladana Our Whole Association of Brothers amo. Ita lalokau heheni ena badina ia hahedinaraia. Oi itaia bema inai henanadai oi haerelaia diba:
(1) Iseda tanobada ibounai tadikaka oreana lalonai, ita ibounai ese dahaka kara toi ita karaia? (2) Iseda tadikaka ese edena dala ai idia hahedinaraia edia lalona idia hadaia do idia haroro goadagoada, herevana edia teritori be (a) Alaska ena gunika gabudia, (b) Europe ena bouti atoa gabudia badadia, bona (c) Peru ena uda badana? (3) Dahaka be haroro gauna namona? (4) Dahaka dainai ita laloa lasi haroro gaukara be gaukara ma ta sibona? (5) Hisihisi badadia—tano mareremarere, lai badadia, bona tano taudia idia tuari heheni—lalonai Iehova ena Witnes taudia ese idia hagoadaia heheni bona durua heheni ena haheitalai haida gwauraia. (August 22, 1995, Awake! magasin ena rau 23 dekenai Takao ena hereva bona October 22, 1996, Awake! magasin ena rau 20 dekenai Kotoyo ena hereva itaia.) (6) Edena dala namodia ai ita ibounai ese iseda Keristani tadikaka oreana ena toana badana ita hahedinaraia diba? (Ioa. 13:35) (7) Iseda kongregesen heboudia edia namo be edena bamona? (8) Guna Kingdom Hall ta dekenai hebou idia karaia diba lasi taudia ese hari Kingdom Hall idia abia dainai dahaka idia laloa? (9) Eastern Europe bona Russia dekenai iseda gaukara idia taravatua neganai, lauma dalanai iseda tadikaka be edena bamona idia goada noho? (10) Hari danu, edena dala ai Witnes taudia momo idia hekwarahi bada hebouhebou badadia dekenai idia lao totona, bona dahaka dainai? Unai be edena bamona emu kudouna ia hamarerea? (11) Dahaka dainai emu lalona oi hadaia, mai lalo-tamona ida do oi tomadiho, dabu taudia oi durua, bona nega ibounai bona dala ibounai do oi haroro? (12) Dahaka dainai inai vidio ta be oi dekenai ia noho bona kamonai taudia momo dekenai do oi hahedinaraia be namo?