April 2 ai Memorial Ena Boiboi Pepadia Hariharilaia
1. Inai lagani ai Memorial ena boiboi pepadia be edena negai do ita hariharilaia, bona unai amo dahaka ia vara?
1 April 2 ia lao 17 ai, ita be inai lagani ena mai anina bada hebouna—Keriso ena mase Memorial—ena boiboi pepadia do ita hariharilaidia. Lagani gunadia ai, kamonai taudia momo be Memorial dekenai idia mai. Hegeregere, Memorial dinana ai, hahine ta be brens opesi ia rini henia bona ia gwau: “Hari sibona ruma dekenai lau mai, bona egu iduara badinai boiboi pepana ta ia noho. Lau ura unai hebou lau lao, to ena nega lau diba lasi.” Tadikaka ese unai hahine ia hamaoroa, boiboi pepana ena murina kahana ai hebou negana ia noho. Edia herevahereva ena dokonai, unai hahine ia gwauhamata: “Hari hanuaboi emui hebou dekenai do lau lao!”
2. Boiboi pepadia ita henia neganai, dahaka ita hereva diba?
2 Hariharilaia Dalana: Nega be bada lasi teritori ibounai ita karaia totona, unai dainai ita hereva momo lasi. Reana do ita gwau: “Namo. Tanobada hegegemadai, Sunday, April 17 ai, mai anina bada hebouna do ai karaia, bona ai ura emu famili dekenai inai boiboi pepana ai henia. [Ruma tauna dekenai boiboi pepana henia.] Unai deit be Iesu ena mase laloatao dinana. Davana lasi Baibel tok ta do idia henia, unai tok ese Keriso ena mauri davalaia boubouna amo namo do ita davaria dalana ia herevalaia. Inai boiboi pepana ai, inai gabu dekenai do ai karaia Memorial hebouna ena adres bona taim ia noho.”
3. Edena dala ai taunimanima momo ita boiria diba?
3 Bema kongrigeisen ena teritori ia bada, elda taudia ese oi do idia hamaoroa, taunimanima idia noho lasi rumadia dekenai boiboi pepadia oi rakatania, to namona be idia itaia diba gabuna ta dekenai oi atoa. Namona be emu lou henia, varavara, gaukara turadia, sikuli turadia, bona ma haida oi boiridia. Wikeni ai boiboi pepadia oi henia neganai, bema mai dalana magasin oi hariharilaia danu. Boiboi pepadia hariharilaia gaukarana oi durua bada totona, April lalonai heduru painia oi karaia diba, a?
4. Dahaka dainai ita ura kamonai taudia be Memorial dekenai idia mai?
4 Unai hebou dekenai idia mai taudia be hereva namona do idia kamonai! Danu, do idia kamonai Iehova ena lalokau bada dainai mauri davalaia boubouna ia henia. (Ioa. 3:16) Dirava ena Basileia ese taunimanima do ia durua dalana do idia dibaia. (Isa. 65:21-23) Danu, atendan taudia do idia hamaoroa idia ura Baibel idia stadilaia, unai amo diba ma haida do idia abia. Ai guriguri, kudou-maoro taudia be inai boiboi pepana idia abia dae bona Memorial hebouna dekenai do idia mai!