Pablikeisen Atoa Teibolo o Troli Gaukaralaia Dalana

Iseda pablikeisen ita atoa teibolo o troli amo kudou-maoro taudia momo ita haroro henidia dainai, momo be hereva momokani idia dibaia noho. (Ioa. 6:44) Unai dainai, elda taudia idia hagoadaia unai gaukara idia durua totona, dala do idia karaia kongrigeisen ese hutuma idia lao mai gabudiai, teibolo o troli do idia gaukaralaia. Teibolo o troli be gabu idauidau dekenai ita gaukaralaia dainai, gavamani o siahu taudia amo gwaumaoro ita abia be anina lasi. Daidia ese unai gaukara idia durua diba? Edia kara idia naria namonamo, hemataurai idia hahedinaraia, bona herevahereva dalana idia diba pablisa ese unai idia karaia diba. Pablisa ese edia gaukara idia karaia namonamo totona, do idia karaia bona karaia lasi gaudia be henunai idia noho.

Karaia gaudia:

Raka hanai taudia hanamoa. Pablisa haida be kiri toana idia hahedinaraia bona hanamoa herevadia idia gwauraia. Bema raka hanai tauna be troli o teibolo ai idia noho gaudia ia itaia, reana oi gwau, “Bema oi ura ta oi abia diba.”
Teibolo o troli amo oi gini daudau sisina. Gabu haida ai, pablisa haida idia itaia, teibolo o troli amo idia gini daudau sisina be mai ena namo. Pablisa haida idia itaia, bema teibolo o troli badibadinai idia gini, raka hanai taudia idia hemarai teibolo ai idia noho gaudia idia itaia totona, unai dainai idia gini daudau bona idia naria ela bona ta be teibolo o troli ia raka henia. Ta be teibolo o troli ia lao henia neganai, ia oi hereva henia, reana oi nanadaia, “Guna inai henanadai oi laloa danu, a?”
Baibel oi gaukaralaia momo.
Bema ta be stadi pablikeisen ta hegeregere Baibel Hadibaia bukana ia abia, vadaeni stadi karaia dalana oi herevalaia. Emu tablet o mobael fon amo Dahaka Dainai Baibel Oi Stadilaia? ena vidio oi hahedinaraia diba.
Bema hegeregere kamonai tauna ena fon namba, ladana bona adres oi abia. Bema ia be emu teritori ai ia noho lasi, Mani Lou Henia (S-43) fom ta oi hahonua, bona seketere oi henia haraga.