Hebouhebou Badadia​—Nega Namona Lalokau Hahedinaraia Totona

Dahaka dainai iseda hebouhebou badadia ita moalelaia? Israela taudia idia karaia bamona, hari inai negai iseda hebouhebou badadia ai, tadikaka taihu tausen ida Iehova ita tomadiho henia. Ita kamonai gaudia ese ita idia durua Iehova kahirakahira ita noho totona. Danu, ita dekenai turadia bona famili ida hebamo karana be mai anina bada. Unai dainai ita ura unai hebouhebou ena dina toi dekenai ita lao.

Bona unai bamona heboudia dekenai ita lao neganai, iseda namo sibona ita laloa lasi, to ma haida dekenai lalokau ita hahedinaraia daladia ita laloa be namo. (Ga 6:10; He 10:24, 25) Iseda tadikaka o taihu edia iduara ita kehoa eiava iseda helai gabudia sibona ita abia, unai amo ita hahedinaraia ita be ma haida ita laloa. (Fp 2:3, 4) Danu, hebouhebou ai turadia matamata ita davaria. Hebouhebou ena program ia do matamaia lasi bona ia ore murinai eiava laga-ani negana ai, nega ita atoa ita diba lasi tadikaka o taihu ta ita hereva henia totona. (2Ko 6:13) Unai bamona negadia ai ita davaria turadia be iseda tura korikoridia ai idia lao diba! Bona mai anina bada gauna be murimuri taudia ese ita hahedinaraia lalokau karana idia itaia neganai, do idia ura ita ida Iehova idia hesiai henia.​—Ioa 13:35.

VIDIO LADANA “LALOKAU BE IA ORE DIBA LASI”! INTANESINOL HEBOUHEBOU ITAIA, BENA INAI HENANADAI HAERELAIA:

• 

  Lagani 2019 ena intanesinol hebouhebou ai, tadikaka taihu ese edena dala ai idia vadivadi delegate dekenai lalokau idia hahedinaraia?

• 

  Dahaka dainai Iehova ena taunimanima huanai ia noho lalotamona bona lalokau karana be idau momokani?

• 

  Hakaua Oreana ena memba ta ta ese Keristani lalokau karana be edena bamona idia herevalaia?

• 

  Edena dala ai Keristani lalokau karana ese Germany bona South Korea dekenai iseda tadikaka taihu huanai lalotamona ia havaraia?

• Iseda lalona ita hadaia dahaka ita karaia totona?