Haroro Gaukara ai Emu Gabu ai ia Vara Gaudia Oi Herevalaia

Iesu ena haroro gaukara ai, ia ese iena negai idia vara gaudia ia herevalaia. (Lu 13:1-5) Oi danu be hari idia vara gaudia oi herevalaia diba taunimanima edia lalona oi veria Basileia sivaraina idia kamonai totona. Moni ena hekwakwanai, idia vara kava disasta, gavamani dagedage henia bona drag ania karana, eiava unai bamona gauna ta oi gwauraia murinai, henanadai ta oi henia. Hegeregere: “Oi laloa inai gaudia ibounai do idia ore, a?” eiava “Oi laloa dahaka ese inai gaudia ia haorea diba?” Bena unai topik ia haerelaia Baibel siri ta oi duahia. Bema ruma tauna ia kamonai namonamo, ia dekenai vidio ta eiava Hadibaia Gaukara Ena Tulu Idauidau amo pablikeisen ta oi hahedinaraia. Iseda teritori ai taunimanima edia kudouna ita hamarerea totona, namona be “sivarai namona totona gau ibounai [ita] karaia.”​—1Ko 9:22, 23.

Emu teritori ai taunimanima be edena topik idia laloa bada?