Iesu be “Kamonai Karana Ia Dibaia”

Iesu be hanaihanai Iehova ia kamonai henia. (Ioa. 8:29) Bema unai bamona, dahaka dainai Baibel ia gwau: “Ia hisihisilaia gaudia amo kamonai karana ia dibaia”?—Heb. 5:8.

Ia be tanobada dekenai ia noho neganai, ia noholaia maurina be guba ai ia noholaia maurina bamona lasi. Hegeregere, ena tama sina be Iehova idia lalokau henia, to idia be goevadae lasi. (Luka 2:51) Tomadiho gunalaia taudia bona gavamani tau dikadia ese ia idia hahisia bada. (Mat. 26:59; Mar. 15:15) Bona hisihisi badana ia abia murinai ia mase. Baibel ia gwau: “Ia sibona ia hamanaua bona kamonai karana ia hahedinaraia ela bona ia mase.”—Fili. 2:8.

Iesu ese tanobada ai ia mamia gaudia amo kamonai karana ia dibaia. Unai dainai ia be King bona Hahelaga Tauna Badana goevadaena ai ia lao diba, badina iseda hemami ia lalopararalaia namonamo. (Heb. 4:15; 5:9) Ia hisihisilaia gaudia amo kamonai karana ia dibaia murinai, ia hegeregere momokani Iehova ese ia henia gaukara ia karaia totona. Ita danu, bema nega aukadia ai kamonai karana ita hahedinaraia, Iehova ese ita do ia laloa bada bona asainmen idauidau ai ita ia gaukaralaia diba.—Iam. 1:4.