Eda Haroro Gaukara Ita Karaia Namonamo Dalana—Dirava Ena Sivarai Namona! Buklet amo Iduara ai Baibel Stadi Hamatamaia
Dahaka Dainai mai Anina Bada?: Taunimanima be hahediba taudia ai ita halaodia totona, Dirava ena Hereva ita hadibadia be namo. (Mat. 28:19, 20) Unai ita karaia totona, ita abia tulu idauidau ita gaukaralaia be namo. Dirava Ena Sivarai Namona! buklet idia karaia ena badina be ita do ia durua haida dekenai hereva momokani ita hadibaia totona. Nega ginigunana ruma tauna ita haroro henia neganai, unai buklet ita gaukaralaia diba iduara ai Baibel stadi ita hamatamaia totona.
Hari Hua Oi Tohoa Gauna be Inai:
Guriguri amo Iehova oi hamaoroa oi ura Baibel stadi ta do oi davaria. Danu, oi noia oi do ia durua Baibel stadi ta oi hamatamaia, bona hereva momokani hadibaia tauna namona ai oi lao totona.—Fili. 2:13.
Ruma bese ena tomadiho o sibona emu stadi oi karaia neganai, buklet hariharilaia dalana oi praktis ela bona oi manadalaia. Unai amo haroro gaukara ai mai lalona ibounai ida oi hereva bona iduara ai Baibel stadi oi hamatamaia diba.