Jan pou nou prezante peryodik yo
Tougegad 1ye jiyè
“ Èske w panse li posib pou nou gen kè kontan malgre pwoblèm n ap rankontre ? [Kite moun nan reponn.] Peryodik sa a atire atansyon nou sou yon kote nou ka jwenn direksyon k ap ede nou degaje nou ak pwoblèm lavi a. Li pale tou konsènan pouvwa vrè esperans lan genyen pou l soutni moun. ” Li Revelasyon 21:3, 4.
Réveillez-vous! Jen
“ Èske w pa dakò gwo katastwòf ki te rive dènyèman yo montre enpòtans pou nou koute avètisman ? [Kite moun nan reponn.] Atik sa a pale de leson kèk moun ki te chape anba siklòn Katrina te tire. Li pale tou konsènan yon avètisman nou tout nou bezwen koute. ” Prezante atik ki kòmanse nan paj 14 la.
La Tour de Garde 1ye jiyè
“ Nan monn n ap viv jodi a, kote gen yon pakèt pwoblèm, anpil moun ap mande : ‘ Poukisa lavi a chaje ak pwoblèm konsa ? Si Bondye egziste, poukisa li pa fè yon bagay pou l elimine soufrans ? ’ Èske w te janm poze tèt ou kesyon sa yo ? [Kite moun nan reponn.] Nan peryodik sa a, n ap jwenn repons klè Bib la bay sou kesyon sa yo. ” Li 2 Timote 3:16.
Réveillez-vous! Jiyè
“ Jodi a, kantite maryaj k ap fè fas ak sitiyasyon difisil pa sispann ogmante. Èske w panse koup yo ka tire pwofi si yo aplike konsèy biblik sa a ? [Li Efezyen 4:32, epi kite moun nan reponn.] Peryodik sa a pral pale sou prensip biblik ki la depi lontan e ki bay bon rezilta, prensip ki ka ede moun konstwi yon maryaj ki ere. ”