Syantifik yo avanse òlòj lafendimonn nan — Ki sa Bib la di?

Nan dat 24 janvye 2023, syantifik yo avanse òlòj lafendimonn nan pi pre minui.a

• “Madi a, se premye fwa yo avanse òlòj lafendimonn nan toupre minui konsa pandan gè a ap kontinye ann Ikrèn, pandan gen risk pou yon gè nikleyè eklate e gen yon kriz nan domèn anviwònman an. Òlòj sa a se senbòl pou montre danje ki pandye sou limanite yo.” — AFP International Text Wire.

• “Madi a, syantifik yo fè konnen yo avanse ‘òlòj lafendimonn nan’ 90 segonn anvan minui, se premye fwa limanite toupre lafen konsa.” — ABC News.

• “Gen yon gwoup syantifik nan diferan peyi ki fè konnen lavi lèzòm sou tè a an danje nan yon pwen li potko janm ye anvan sa.” — The Guardian.

Èske lèzòm ap sispann egziste talè konsa oswa èske planèt nou an pral detwi talè konsa? Èske nou bezwen pè sa k pral rive demen? Ki sa Bib la di?

Sa demen sere pou nou

Selon Bib la, “tè a [ap] ret la pou toutan” e ap gen moun k ap “viv sou li pou toutan”. (Eklezyas 1:4; Sòm 37:29.) Donk, lèzòm pap rive detwi tè a nitou yo pa ka fè l enposib pou moun viv sou tout planèt la.

Sepandan, Labib di ap gen yon fen. Pa egzanp, li di “monn nan ap pase.” — 1 Jan 2:17.

• Pou w konnen sa Bib la vle di lè l pale de lafendimonn, li atik “Èske monn nan rive nan bout li? Ki sa apokalips la ye?”

• Pou w aprann ki sa Bib la di sou ki lè evènman k ap gen pou fèt yo ap rive, li atik “Ki lè lafendimonn ap fèt?”

Rete pozitif

Bib la kapab ede nou rete pozitif malgre pwoblèm ki genyen nan monn nan jodi a. Ki jan l ka ede nou?

• Labib ban nou konsèy k ap ede nou (2 Timote 3:16, 17). Pa egzanp, li atik “Fason n ka jere enkyetid nou yo” pou w wè ki jan Bib la ka ede w rete pozitif malgre pwoblèm nou jwenn nan lavi a.

• Bib la ban nou yon bonjan espwa pou lavni (Women 15:4). Li fè konnen egzakteman ki sa nou ka atann kounye a ak sa k ap rive alavni, sa ki ede nou rete kalm lè nou wè evènman k ap dewoule nan monn nan.

Pou w aprann plis bagay sou Bib la, nou envite w fè yon etid Labib avèk yon anseyan, li gratis.