Fason nou ka gen kè kontan nan moman difisil — Ki sa Bib la di?

Nan moman difisil sa yo n ap viv la, nou ka pa gen kontwòl sou tout sa ki rive nou. Men byen souvan, kè kontan nou plis depann de fason nou wè bagay yo pase sitiyasyon n ap viv yo. Bib la fè konnen menmsi w gen pwoblèm, “lè kè w kontan lavi se yon fèt pou ou”. (Pwovèb 15:15, Bib la.) Ki sa n ka fè pou n gen plis kè kontan? Gade ki jan konsèy ki nan Bib la kapab ede w.

Fason nou ka fè fas ak tètchaje

Bib la di: “Tètchaje yon moun genyen fè kè l vin lou, men, yon bèl ti pawòl fè kè l kontan.” — Pwovèb 12:25.

• Bib la kapab ede w fè fas ak tètchaje. Pou w jwenn plis enfòmasyon, li atik: “Ce que la Bible dit au sujet de l’inquiétude.”

Sa w ka fè pou w pa santi w poukont ou

Bib la di: “Yon bon zanmi demontre lanmou toutan e li se yon frè yo ka konte sou li lè gen malè.” — Pwovèb 17:17.

• Bib la gen konsèy ki kapab ede w gen pi bon zanmi yon fason pou w pa santi w poukont ou. Li atik: “Fè zanmi pou w pa santi w poukont ou — Fason Bib la ka ede w.”

Chèche gen lanmou pou Bondye ak pwochen w

Bib la di: “Nou dwe renmen Jewova, Bondye nou an, ak tout kè nou, ak tout nanm nou e ak tout lespri nou. [...] Nou dwe renmen pwochen nou menm jan nou renmen tèt nou.”a — Matye 22:37-39.

• Lapriyè kapab ede w vin gen plis lanmou pou Bondye. Pou w aprann plis sou sa, li atik: “Èske Bondye koute priyè nou yo?”

• Nou demontre lanmou pou lòt moun lè nou suiv prensip yo rele Règ annò a. Pou w ka aprann plis sou sa, li atik: “Ki sa Règ annò a ye?”

Si w ta renmen aprann plis bagay sou fason Bib la ka ede w gen kè kontan nan moman difisil, nou envite w eseye pwogram etid Labib gratis nou an.