Kantik 98 (220)

Paradi nou an : jodi a e alavni

(2 Korentyen 12:4)

1. O Jewova Dye, nou louwe ou

Pou bèl paradi nou an.

Etid, lapriyè ak reyinyon

Ede nou saj nan monn nan.

O kite n di w mèsi

Pou jan nou beni,

E jan, sèvis ou a,

Se yon vrè plezi !

Vrè lanmou pou ou ak pwochen nou,

Se lyen s’a ki pi solid.

E sa ini nou nan sèvis ou,

Sa fè nou gen gratitid.

2. Pou w ka aplike vrè jistis ou,

Ou mete Jezi Kris Wa.

Depi lè w te fin resisite l,

Li resevwa tout pouvwa.

Nou louwe w, Jewova,

Paske w fè n konnen

W ap reyini moun pa w

Nan yon sèl chemen.

Nou dwe toujou gen yon konduit diy,

Pou n pa fè moun trebiche.

Li dwe byen konfòm ak mesaj la,

Pou moun enb yo ka sove !

3. Apre batay gran jou Bondye a,

Jezi pral mare Satan,

E li pral jete l ak demon l yo

Nan yon abim pou mil an.

Ansyen sèvitè w yo

Pral reviv ankò.

Pou sèvi w ak lajwa,

Y ap sot nan lanmò.

Yo pral ede moun jwenn pèfeksyon

Grasa pretriz Gason w lan.

Alò sou tè a, lajwa total

Ap la pou toutan gentan.