N ap ofri liv Écoute le grand Enseignant an

◼ “ Èske w pa panse moun t ap viv pi byen nan monn nan si tout moun te koute pawòl nou pral li la a yo ? [Li Matye 7:12a. Epi kite moun nan reponn.] Nan liv sa a, n ap jwenn anpil ansèyman pi gran anseyan ki te pase sou tè a te bay. ” Atire atansyon moun nan sou imaj ki nan chapit 17 la ansanm ak kòmantè ki akonpaye imaj sa yo.

◼ “ Jodi a, pifò paran ap eseye bay pitit yo bonjan prensip moral. Èske w panse se yon bagay ki enpòtan ? [Kite moun nan reponn. Apre sa, li Pwovèb 22:6.] Vèsè sa a ankouraje paran yo pou yo kòmanse anseye timoun yo depi yo toupiti. Yo fè liv sa a pou ede paran yo fè travay sa a. ” Atire atansyon moun nan sou imaj ki nan chapit 15, chapit 18 ak chapit 32 a ansanm ak kòmantè ki akonpaye imaj sa yo.

◼ “ Byen souvan, paran yo konn sezi tande kesyon pitit yo ap poze. E gen nan kesyon sa yo ki difisil pou reponn, pa vre ? [Kite moun nan reponn. Apre sa, li 2 Timote 3:14, 15.] Manman Timote ansanm ak tout grann li te anseye l depi l te toupiti sa Ekriti yo di. Liv sa a kapab ede paran yo jodi a pou yo fè menm bagay la ak pitit yo. ” Atire atansyon moun nan sou kèk imaj ki nan chapit 11, chapit 12 ak chapit 34-36, ansanm ak kòmantè ki akonpaye imaj sa yo.