Jan pou nou prezante peryodik yo
La Tour de Garde 1ye fevriye
“ Èske w panse Bondye koute tout priyè ? [Kite moun nan reponn.] Gade ki sa Jezi di sou kesyon sa a. [Li Matye 6:7.] Atik sa a enteresan anpil, li bay repons pou kat kesyon moun konn poze tèt yo souvan konsènan lapriyè. ” Montre atik ki kòmanse nan paj 16 la.
Réveillez-vous! Fevriye
“ Anpil moun kwè tout sa k rive yon moun se yon bagay ki te planifye alavans. Yo kwè nan desten. Sa w panse ou menm ? [Kite moun nan reponn.] Nou pral li yon vèsè ki montre nou kapab chwazi jan lavi nou ap ye alavni. [Li Detewonòm 30:19.] Atik sa a pale sou sa Labib di konsènan desten. ” Montre atik ki kòmanse nan paj 12 la.
La Tour de Garde 1ye mas
“ Èske w panse tout sa k rive nan lavi a te deja planifye alavans ? [Kite moun nan reponn.] Gade sa Bib la di sou sa. [Li Eklezyas 9:11.] Peryodik sa a esplike byenke Bondye planifye yon bèl avni pou tè a, li kite nou chak chwazi chemen nou vle suiv nan lavi a. ”
Réveillez-vous! Mas
“ Jodi a, gen anpil moun k ap soufri akoz enkyetid yo genyen konsènan lajan, sitou nan peryòd kriz ekonomik sa a. Èske w remake sa tou ? [Kite moun nan reponn.] Gade yon konsèy ekilibre Bib la bay. [Li 1 Timote 6:8, 10.] Peryodik sa a bay kèk prensip ki kapab ede nou sèvi ak lajan nou genyen yon fason pou lespri nou toujou anpè. ”