Jan pou nou prezante peryodik yo
La Tour de Garde 1ye fevriye
“Pifò nan nou gen pwòp relijyon nou. Èske w panse fason nou chwazi sèvi Bondye gen enpòtans nan je l? [Kite moun nan reponn. Apre sa, li Matye 15:9.] Atik sa a egzamine kat aspè nan vrè adorasyon an Jezi te idantifye.” Montre moun nan atik ki kòmanse nan paj 16 la.
Réveillez-vous! Fevriye
“Gen moun ki kwè nan yon Kreyatè, tandiske gen lòt moun ki panse yon kwayans konsa pa syantifik ni li pa rezonab. E ou menm sa w panse? [Kite moun nan reponn.] Selon Bib la, gen bonjan prèv ki sèvi fondman pou vrè lafwa a. [Li Ebre 11:1.] Atik sa a pale sou kèk nan prèv ki montre gen yon Kreyatè.” Montre moun nan atik ki kòmanse nan paj 22 a.
La Tour de Garde 1ye mas
“Èske w konsidere Bib la kòm Pawòl Bondye oubyen èske w panse se jis yon bon liv? [Kite moun nan reponn.] Gade ki sa Bib la di. [Li 2 Timote 3:16, 17.] Peryodik sa a esplike sa nou ka fè pou nou pran bonjan desizyon sou sijè sa a e li esplike poukisa li enpòtan pou nou fè sa.”
Réveillez-vous! Mas
“Menm jan ak anpil moun, petèt ou admire bèl bagay ki gen nan lanati. Èske w pa dakò tout bèl bagay sa yo ki nan lanati se yon prèv tou ki montre gen yon Kreyatè saj ki te fè yo? [Kite moun nan reponn. Apre sa, li Sòm 104:24.] Peryodik sa a site kèk bagay enteresan ki egziste nan lanati e li pale sou sa bagay sa yo aprann nou.”