Chèche vin pi maton nan travay predikasyon an: Chèche gen yon wout peryodik

Rezon ki fè sa enpòtan: Gen anpil moun ki renmen li peryodik yo, men, yo pa anvi nou etidye Labib avèk yo. Petèt yo gendwa renmen relijyon yo a oubyen yo panse yo pa gen tan pou yo etidye Labib. Sepandan, afòs y ap li peryodik nou yo regilyèman, yo ka vin gen yon gwo anvi pou Pawòl Bondye a (1 Pyè 2:2). Yon atik byen patikilye gendwa touche kè yo, oswa sikonstans moun sa yo ka chanje. Lefètke nou ba yo vizit ki kout e nou fè sa regilyèman, sa ka fè yo vin pi alèz avèk nou e sa ap ede nou konnen nan ki sa yo enterese ak pwoblèm yo genyen. Finalman, nou ka kòmanse yon etid Labib avèk yo.