Fason pou w sonje vèsè yo

Èske w konn twouve l difisil pou w sonje yon vèsè nan Bib la ou renmen anpil? Se kapab yon vèsè ki konsole w, ki ede w konbat move panse, oswa yon vèsè ou ta renmen pataje ak yon moun (Sòm 119:​11, 111). Men kèk konsèy ki ka ede w sonje vèsè yo.

• Sèvi ak etikèt ki nan aplikasyon JW Library^® a. Pandan w ap li Bib la nan JW Library, si gen yon vèsè ou ta renmen sonje, ou ka ale nan seksyon Etid pèsonèl pou w kreye yon etikèt (tag), epi rele l “Vèsè mwen pi renmen” pou w ka jwenn li byen fasil annapre.

• Met vèsè a yon kote w ka wè l. Ekri vèsè w ta renmen sonje a sou yon moso papye epi mete l yon kote w ap kapab wè l souvan. Gen moun ki kole l sou yon glas e gen lòt moun ki kole l sou pòt frijidè. Gen lòt menm ki fè foto vèsè a e ki fè l parèt sou ekran òdinatè yo oswa sou telefòn yo.

• Sèvi ak ti moso katon oswa ti moso papye. Ekri vèsè a sou yon bò, epi ekri pawòl ki nan vèsè a sou lòt bò a. Apre sa, gade bò kote vèsè a ekri a epi eseye sonje pawòl ki nan vèsè a oswa gade bò kote pawòl ki nan vèsè a ekri a epi eseye sonje ki vèsè ki di sa.