Ou kapab preche epi anseye lòt moun!

Anvan sa, Moyiz te gen dout sou kapasite l genyen pou l akonpli misyon Jewova te ba li a (Eg 4:10, 13). Èske w te deja santi w konsa yon lè? Èske w ap etidye Labib ak Temwen Jewova yo? Èske w ap mande tèt ou si w ap janm ka al preche kay an kay? Oubyen petèt ou se yon jèn ki renka pou w preche nan lekòl ou. Oubyen ou ka pè patisipe nan temwayaj piblik, bay temwayaj nan telefòn oswa kèk lòt fason ankò ou kapab bay temwayaj an piblik. Priye Jewova pou l ba w lespri sen l (1P 4:11). Ou mèt gen konfyans li kapab ba w tout sa w bezwen pou w ranpli kèlkeswa asiyasyon li ba ou. — Eg 4:11, 12.

GADE VIDEYO KI GEN TIT SE POU N GEN KOURAJ... NOU MENM KI PWOKLAMATÈ, EPI REPONN KESYON KI ANNAPRE YO:

• Ki pwoblèm sè Aoyama te genyen?

• Ki sa k te ede l jwenn fòs ak kouraj? — Jr 20:7-9.

• Ki byenfè l te jwenn lefètke l te fè plis nan sèvis Jewova a?

• Ki pwoblèm ou rankontre nan travay predikasyon an Jewova kapab ede w venk?