Ka eyendhaʼ an libro Kit kʼwajiy kulbél abal etsʼey abal an exóbal kin belaʼ más kʼal a Jehová ani a Jesús

An exóbal kwaʼal kin koʼoy tsapik in bélomtal abal kin ejtow kin tʼajaʼ jawaʼ u kónchinal kʼal a Jehová (Heb 11:6). An libro Kit kʼwajiy kulbél abal etsʼey tsʼejkadh abal kin tólmiy an exóbal kin kʼanidhaʼ jawaʼ kʼwajat in exobnál. In chiʼdhál i textos axi lej exbadh, i tsálapchik axi in tólmiyal an atikláb ka tsálpaxin, i konowixtaláb, i walekláb ani i videos. Max ki tólmiy an exóbal kin nitsʼbiy a Jehová ani ka utey más kʼal Jajáʼ, neʼets kin koʼoy más tsapik in bélomtal ani neʼets kin ejtow kin kuxuy jawákits tam kʼibataláb (1Co 3:12-15).

Talchik i atikláb yab in belál abal in éjtowal kin tʼajaʼ tin jaʼúb a Jehová, kom yab in tsuʼtal. Jaxtám i yéjenchal ki tólmiy kin exlaʼ a Jehová ani kin belaʼ kʼal Jajáʼ.

TALBÉL TA TSUʼÚMAL AN VIDEO KI TSAPIKMÉDHANCHIJ IN BÉLOMTAL AXI KʼEʼAT KʼAL A JEHOVÁ KʼAL AN LIBRO «KIT KʼWAJIY KULBÉL ABAL ETSʼEY», KA TÓKʼTSIY AXÉʼCHIK XI KONOWIXTALÁB:

• ¿Jaleʼ ti tejwaʼ abal an epchal tʼojojon abal kin bínaʼ an exobintaláb?

• ¿Jantʼoj tam konowixtaláb in tʼajaʼ an epchal, abal an exóbal kin ólnaʼ jawaʼ in exbay ti Isaías 41:10, 13?

• ¿Jantʼiniʼ ti tólmiyat an exóbal kʼal an video ani an textos axi in ajiy?

Yan i atikláb yab in éxbayal jantʼiniʼ tu kʼaniyamal a Jesús ani yab in tsalpayámal abal pel jun i tsʼejwalixtaláb axi a Jehová tu pidhámal (Gál 2:20). Jaxtám kwaʼal ki tólmiy kin belaʼ abal a Jesús in bínaʼ in ejatal.

TALBÉL TA TSUʼÚMAL AN VIDEO KI TSAPIKMÉDHANCHIJ IN BÉLOMTAL AXI KʼEʼAT KʼAL A JESÚS KʼAL AN LIBRO «KIT KʼWAJIY KULBÉL ABAL ETSʼEY», KA TÓKʼTSIY AXÉʼCHIK XI KONOWIXTALÁB:

• ¿Jaleʼ ti tejwaʼ abal an epchal tʼojojon abal kin bínaʼ an exobintaláb?

• ¿Jantʼiniʼ tin eyendhaʼ an epchal an pejach «Ka exóbnaʼ jantʼoj ít» abal kin tólmiy an exóbal?

• ¿Jaleʼ ti lej exbadh ka oláts an exóbal?