Ka tawnaʼ tekedh

Jawaʼ in tʼajaʼ a Jesús

VIDEO: A Jesús in tawnaʼ tekedh jun i kwitól axi lej tumínladh

1. Ka tsuʼuw an VIDEO o ka ajiy Marcos 10:​17-22. Ani talbél ka tʼajaʼ ti kwéntaj axéʼ xi konowixtalábchik:

1. ¿Jantʼoj tam alwaʼ tʼajbiláb in tsuʼuw a Jesús abal in kwaʼal axéʼ xi kwitól?

2. ¿Jaleʼ tin yejenchij i kʼanidhomtaláb ani kin tawnaʼ tekedh axéʼ xi kwitól?

¿Jantʼoj tu exóbchal in tʼiplabil a Jesús?

2. Max i leʼ abal an exóbal ka wenkʼon ti aykol, lej exbadh ki tawnaʼ kʼal i kʼanidhomtaláb, pero jayej ki uchaʼ lej tekedh jawaʼ in tomnál kin tʼajaʼ.

Ka nitsʼbiy a Jesús

3. Ka tólmiy an exóbal kin tsalpay kʼal i ayláb ani kin tsapnanchij kin bajuw.

1. Ka tsapnanchij ka eyendhaʼ an recuadro «Jawaʼ a éjtowalej ka tʼajaʼ» axi kʼwajat ban libro Kit kʼwajiy kulbél abal etsʼey.

2. Ka tólmiy an exóbal kin exlaʼ jantʼoj kwaʼal kin tʼajaʼ abal kin bajuw an ayláb axi in leʼ al weʼ i kʼij ani kʼal axi in leʼ kin bajuw talbél.

3. Etsʼey ka uchaʼ an exóbal abal lej alwaʼ abal kʼwajatits in tʼajál jawaʼ in exobnál.

4. Ka tʼajaʼ ti kwéntaj jaleʼ an exóbal yab in eyendhál jawaʼ in exobnál ani ka tsalpay jantʼiniʼ ka tólmiy.

1. Ka konowiy ta baʼ:

   • «Max an exóbal yab kʼwajat in tsapnanchal abal kin éjtow ka pujan, ¿kʼal jantʼoj kʼwajat ti tokʼbayáb?».

   • «¿Jantʼiniʼ u éjtowal ku tólmiy?».

2. Ka konchij a Jehová ti tólmiy abal ka ejtow ka uchaʼ kʼal i kʼanidhomtaláb jawaʼ kwaʼal kin tʼajaʼ an exóbal.

5. Yabáts ka pidhaʼ i exobintaláb max an atikláb yab in eyendhál tin ejatal jawaʼ kʼwajat in exobnál.

1. Abal ka exlaʼ max in tomnál ka aynanchij ka pidhaʼ i exobintaláb kʼal an Biblia jun i atikláb, ka konowiy ta baʼ:

   • «¿In eyendhál tin ejatal jawaʼ in exobnál?».

   • «¿U kʼalel ti tamkuntaláb ani in ólchal axi kʼeʼat jawaʼ in exobnál?».

   • «Max weʼ owatits tu exóbal kʼal an Biblia, ¿in tejwamedhál abal in leʼ kin tʼajaʼ ti ólchix kʼal a Jehová?».

2. Max an atikláb yab in tejwamedhál abal in leʼ kin eyendhaʼ jawaʼ kʼwajat in exobnál:

   • Ka tólmiy abal kin exlaʼ kʼal jantʼoj tu tokʼbayáb.

   • Kʼal i kʼanidhomtaláb ka ólchij jaleʼ ti yabáts neʼets ka exóbchij kʼal an Biblia.

   • Ka uchaʼ lej tekedh jantʼoj kwaʼal kin tʼajaʼ max talbél in leʼ junilekʼej kin batsʼuw an exobintaláb.