ABAL KU BAJUDHMÉJ JANTʼINIʼ U EXÓBCHIX | LEJ KULBÉL I ATSʼÁL TAM I ALIYAL ANI I TʼAJÁL I AYKOL KʼAL A CRISTO
Ka batsʼuw an tolmixtaláb axi ti pidhál an epchalchik
A Jehová in eyendhál an epchalchik abal tu ku tólmiy (1Pe 5:9). Jajáʼchik tu tólmiyal tam wawáʼ i atsʼál kʼibat tu ólnom. Jun i tʼiplab, yan i epchal, ejtíl a Áquila, a Priscila, a Silas ani a Timoteo, in lej tólmiychik an abatwalej Pablo (Hch 18:1-5).
¿Jantʼiniʼ in éjtowal tu ku tólmiy an epchalchik? In éjtowal tu ku tólmiy abal ki exlaʼ jantʼiniʼ ki tʼilmay jun i atikláb axi yab in leʼ tu ku atsʼaʼ. Jayej in éjtowal tu ku junaʼ abal ku wichiy ki tsaʼbiy jun i atikláb, ani abal ki exlaʼ jantʼiniʼ ki bínaʼ jun i exobintaláb kʼal an Biblia. Xowéʼ ka tsalpay kʼal jun i epchal ti tamkuntaláb axi in éjtowal ti tólmiy ani ka uchaʼ ti tólmiy. Ta tsablomchik neʼets kit tólmixin ani kit kanatbedhaxin (Flp 1:25).
TALBÉL TA TSUʼÚMAL AN VIDEO LEJ KULBÉL I ATSʼÁL TAM I ALIYAL ANI I TʼAJÁL I AYKOL KʼAL A CRISTO. KI EYENDHAʼ AN TOLMIXTALÁB AXI A JEHOVÁ TU PIDHÁL: AN EPCHALCHIK, KA TÓKʼTSIY AXÉʼ XI KONOWIXTALÁBCHIK:
¿Jantʼoj in tʼajaʼ a Rita abal a Coral kin tujuw ka kʼalej ti tamkuntaláb?
¿Jaleʼ kwaʼal ki kaniy pílchik i epchal tam i binál i exobintaláb kʼal an Biblia?
I yéjenchal tu ku tólmiy patal an epchalchik axi ti tamkuntaláb abal ki tʼajaʼ jun i aykol
¿Jantʼoj in kulbetnálak a Coral ani an epchal axi payeblabits?
Ban olnomtaláb, ¿jantʼoj i éjtowal ki exóbnaʼ tin kwéntaj jawaʼ in tʼajál kʼeʼat i epchalchik?