ABAL KU BAJUDHMÉJ JANTʼINIʼ U EXÓBCHIX | A ÉJTOWAL KA ATSʼAʼ MÁS IT KULBÉL TAM IT ÓLNOM
Ka exóbchij an exóbal abal ka exobláts tin kwetémtal
Abal jun i exóbal kʼal an Biblia kin exlaʼ alwaʼ a Jehová ani kin bájuw kin tʼojonchij, yab expidh in yéjenchal ka exóbchij tatáʼ (Mt 5:3; Heb 5:12-6:2). Kwaʼal kin exóbnaʼ ka exobláts tin kwetémtal.
Tam ka tujchij ka exóbchij jun i atikláb, ka exóbchij jantʼiniʼ ka tʼojojon abal an exobintaláb, ka uchaʼ abal lej alwaʼ kin tʼajaʼ (mwb18.03-S 6). Ka uchaʼ abal lej exbadh kin tʼajaʼ jun i oláb okʼxidh kin tujchij ti exóbal. Ka exóbchij kin eyendhaʼ an tolmixtaláb axi waʼats ti Internet, ka uchaʼ abal in éjtowal kin tsuʼuw jawaʼ u kalel ít ti jw.org ani JW Broadcasting®. Kʼayúm kʼayúm ka tólminchij kin ujnaʼ kin ajiy an Biblia chudhél chudhél, ka tʼojojon abal an tamkuntaláb ani kin aliy an tokʼtsixtaláb kʼal an konowixtaláb axi in léʼ kin exlaʼ. Ka exóbchij abal lej alwaʼ kin lupudh tsalpay kʼal jawaʼ in exóbnal.
TALBÉL TA TSUʼÚMAL AN VIDEO KI TÓLMIY AN EXÓBALCHIK... ABAL KA EXOBLÁTS TIN KWETÉMTAL, KA TÓKʼTSIY AXÉʼ AN KONOWIXTALABCHIK:
¿Jantʼiniʼ ti tolmiyat a Coral kʼal a Rita abal kin exbay abal yab expidh in yéjenchal kin elaʼ an tokʼtsixtaláb?
¿Kʼal jantʼoj ti tolmiyat a Coral kin exbay abal a Jehová yab in bátsʼuwal abal jun i mimláb ani jun i inik ka kwatsiychik okʼxidh ka tomkin?
Ka tólmiy an exóbal kin exbay jawaʼ in exóbnal ani kin eyendhaʼ tin ejatal.
¿Kʼal jantʼoj ti tolmiyat a Coral kin exbay abal kwaʼalak kin lupudh tsalpay kʼal jawaʼ in exóbnal?