Ka eyendhaʼ axéʼ an videos abal ka tujuw i exobintaláb kʼal an Biblia

Waʼats tséʼ i videos axi i éjtowal ki eyendhaʼ abal ki tujuw i exobintaláb kʼal an Biblia. ¿Abal jaleʼ tu eynal axéʼ an videos ani jantʼiniʼ i éjtowal ki eyendhaʼ ban olnomtaláb?

• 

  ¿Jaleʼ ti lej exbadh ki Exóbnaʼ an Biblia? (axi más nakat). Axéʼ xi video tsʼejkadh abal an atikláb kin kulbétnaʼ kin exlaʼ tin kwéntaj an Biblia, belits max an atikláb in kwaʼalits juʼtáj u támkunal. In tʼajál abal an atikláb ka tsalpaxin kʼal talchik i konowixtaláb lej exbadh axi walám jajáʼ in tʼajámal. In eyendhál jun i tʼiplab abal tu ku tejwamédhanchij abal yab kʼibat ki exbay jawaʼ in ulal an Biblia. Tin taltal an video in ulal jantʼiniʼ an atikláb in éjtowal kin konoy jun i exobintaláb kʼal an Biblia.

• 

  ¿Jaleʼ ti lej exbadh ki Exóbnaʼ an Biblia? (axi jamat). Axéʼ xi video ejtílits axi jun, expidh abal axéʼ más jamat. I éjtowal ki eyendhaʼ tam an atiklábchik yab lej jolat.

• 

  ¿Jantʼiniʼ u bináb jún i Exobintaláb kʼal an Biblia? An tsalap játs abal an atikláb kin léʼnaʼ kin konoy jun i exobintaláb kʼal an Biblia ani jayej kin exlaʼ jantʼiniʼ u konoyáb.

• 

  U kulbél kom neʼets ka exóbnaʼ an Biblia. Axéʼ an video neʼets ki tejwamédhanchij jitaʼchik kʼwajat ti exóbal. An video kʼwajat ban libro Kit kʼwajiy kulbél abal etsʼey, pero jayej i éjtowal ki tejwamédhaʼ max kʼwajat i exobnál an folleto. Ban video in olnál jantʼoj neʼets kin exóbnaʼ ban libro ani jayej u ólchinal jantʼiniʼ ti neʼets kin exóbnaʼ.

Axéʼ xi tséʼ i videos tsʼejkadh kʼal jun i tsalap, pero wawáʼ i éjtowal ki tejwamédhanchij tam ki tsalpay abal neʼets ka eyan. Ki tsápnanchij ki exlaʼ alwaʼ axéʼ xi tséʼ i videos ani ki eyendhaʼ ban olnomtaláb.