I EJATAL ANI I TʼOJLÁBIL TU AYKOL KʼAL A CRISTO
Ka lej belaʼ abal a Jehová ti kʼanidhál
«A Jehová kʼwajat kulbél kʼal patal in tʼojnálil» (Sl 149:4). Belits abal u wálbidh, a Jehová in tʼajál ti kwéntaj jawaʼ i tʼajál alwaʼ ani jawaʼ i éjtowalej ki tʼajaʼ. Walám junchikíl ki tsalpay abal yab in tomnál abal a Jehová tu ku kʼanidhaʼ, walám kom i kʼibchij ti biyál, o kom waʼats jitaʼ axi tu yajbédhanchij i chich. ¿Jantʼoj in éjtowal ti tólmiy max tatáʼ a atsʼál antsanáʼ?
Ki tʼilaʼ abal a Jehová in éjtowal kin tsuʼuw yan jantʼoj axi wawáʼ yab i éjtowal ki tsuʼuw (1Sa 16:7). A Jehová in tʼajál ti kwéntaj patal jawaʼ i tʼajál alwaʼ, belits max wawáʼ yab i tʼajál ti kwéntaj. Ban Biblia ti tʼajál ti kwéntaj abal a Jehová antsanáʼ in ey. Max ka ajiy an tʼilabchik axi ti Biblia ani ka exbay, neʼets ka tʼajaʼ ti kwéntaj abal a Jehová in lej kʼanidhál in tʼojnálil.
TALBÉL TA TSUʼÚMAL AN VIDEO KA ÓLCHIJ A ICHÍCH ABAL A JEHOVÁ TI KʼANIDHÁL, KA TÓKʼTSIY AXÉʼ XI KONOWIXTALÁBCHIK:
¿Jantʼoj tu exóbchal tin kwéntaj a Jehová an kwitól axi u adhil?
Max jun i epchal in tʼajaʼ jun i walabtaláb ti biyál pero in jilamalits kin tʼajaʼ, ¿jantʼoj in éjtowal kin tʼajaʼ abal kin belaʼ abal u lej kʼanidháb kʼal a Jehová? (1Jn 3:19, 20).
¿Jantʼiniʼ ti tólmiyat an epchal tam tin ajiy ani in exóbnaʼ an tʼilab tin kwéntaj a David ani a Jehosafat?