¿Jantʼoj i éjtowal ki exóbnaʼ?
Ka tsʼatʼaʼ ta ókʼ an ajatlábchik axi a Jehová tu pidhámal
«Tam in kʼwajat lej tʼeʼpidh, a Jehová tin kanatbedhál kʼal an ajatlábchik axi kʼwajat ti JW Broadcasting®» (Lorraine, Estados Unidos).
Ma ti biyál, etsʼey i puwénchamal a Jehová kʼal i ajatlábchik (Col. 3:16). Max ka tsʼatʼaʼ ta okʼ axéʼchik xi ajatláb, neʼets ti lej tólmiy, belits max jun a kʼicháj yab ka koʼoy juʼtáj ka tsuʼuw an letra in kʼál an ajatlábchik. Alál neʼets ka elaʼ talchik i tsalap abal ka tsʼatʼaʼ ta ókʼ axéʼchik xi ajatláb.
Ka jolkʼaʼ i kʼij abal ka ajiy an letra in kʼál an ajatlábchik ani ka exbay. Tam i éxbayal alwaʼ jun i exobchixtaláb, yab i atsʼál kʼibat ki tʼilaʼ. Ti jw.org neʼets ka elaʼ an letra in kʼál patal an ajatlábchik. Jayej an ajatlábchik axi ti JW Broadcasting ani an letra in kʼál an ajatlábchik abal an tsakam. Abal ka ejtow ka elaʼ, kit kʼalej ban pejach «Biblioteca» ani talbél «Música».
Ka dhuchaʼ an letra al jun i uw. Nixéʼ neʼets ti lej tólmiy abal ka tʼilaʼ an ajatlábchik ta okʼ (Deut. 17:18).
Ka ajiy kawidh. Ka ajiy yaníl an letra o ka ajatnaʼ.
Ka exaʼ ka tʼilaʼ. Ka tsápnanchij ka tʼilaʼ an letra, pero yab ka tsuʼuw juʼtáj ti dhuchadh, talbél ka tsuʼuw max a ejtow ka tʼilaʼ patal.