AJUMTALÁB 11

Ka tejwamédhaʼ i kulbetaláb tam it káw

Romanos 12:11

RESUMEN: Ka tejwamédhaʼ kʼal a káwintal jawa a atsʼál ta ichích abal jitaʼ ti otsʼówiyal kin léʼnaʼ kin tʼajaʼ jawa a ólchal.

Ka tʼojojoy a ichích. Tam kit exobláts abal ka bínaʼ jún i exobchixtaláb, ka lupudh tsalpay jaleʼ ti exbadh jawa neʼets ka olnaʼ. Ka exóbnaʼ alwaʼ an exobintaláb abal ka tejwamédhaʼ abal a exbayal jawa a olnál.
Ka tʼajaʼ ti kwéntaj jitaʼ kʼwajat ti atsʼál. Ka tsalpay jantʼiniʼ ti neʼets ka tolminchat jitaʼ ti atsʼál kʼal jawa neʼets ka uchaʼ o kʼal jawa ka ajchij. Ka tsalpay jantʼiniʼ ti neʼets ka bínaʼ an exobintaláb abal jitaʼ ti atsʼál kin exbay ani kin punchij in jalbíl.
Ka tsápnanchij abal jawaʼ neʼets ka olnaʼ ka atsʼatbej kʼijidh. Ka tejwamédhaʼ kʼal a káwintal jawa a atsʼál ta ichích. Kʼal a wal ani a kʼubak ka tejwamédhaʼ abal játs jawa tatáʼ a atsʼál.

Yab ka wilkʼidh yatsiy a kʼubak ani a wal abal yab ka itʼixbéj jitaʼ kʼwajat ti atsʼál. Kwaʼal ka kʼwajiy junat a káwintal kʼal jantʼiniʼ ta yátsiyal a kʼubak ani a wal. Tam ka uluw jantʼoj exbadh al jún i exobintaláb, kit káwin kʼal i kulbetaláb, jayej tam ka uluw jantʼoj axi a léʼ abal kin punuw ti tʼajbiláb jitaʼ ti otsʼówiyal. Yab ka watʼkʼanchij kʼal an kulbetaláb axi ka tejwamédhaʼ tam it káw, abal yab ka itʼixbéj jitaʼ ti atsʼál.